flugfréttir
Yfir 400 flugmenn á 737 MAX höfða mál gegn Boeing
- Hafa orðið fyrir launamissi þar sem Boeing leyndi hönnunargalla
24. júní 2019
|
Frétt skrifuð kl. 12:53
Boeing 737 MAX þoturnar hafa verið kyrrsettar núna í á fjórða mánuð
Yfir 400 flugmenn, sem flugu Boeing 737 MAX þotunni áður en hún var kyrrsett í vor, hafa höfðað mál gegn Boeing þar sem flugvélaframleiðandann er sakaður um að hafa haldið leynd yfir galla í kerfi vélarinnar sem þeir vissu af.
Málsóknin er fyrir hönd flugmanns sem kallast „Pilot X“ en fer einnig fyrir öðrum 400 flugmönnum
sem hafa orðið fyrir fjárhagstjóni vegna launamissis þar sem
flugfélög sögðu þeim upp störfum í kjölfar kyrrsetningarinnar.
Tvær lögfræðistofur, ein í Chicago (PMT PLLC) og önnur í Ástralíu (International Aerospace
Law & Policy Group), lögðu inn málsóknina sl. föstudag
sem fer fyrir 400 flugmönnum í Bandaríkjunum og Ástralíu.
Boeing 737 MAX þotan
Fram kemur að Boeing hafi sett hagnað og gróða í fyrsta sætið í stað öryggis farþega sem
varð til þess að tvö mannskæð flugslys áttu sér stað, annað í október í fyrra og hið síðara í mars, og var þotan í framhaldinu
kyrrsett sem hefur haft áhrif á tekjur þeirra flugmanna sem flugu vélunum.
„Flugmenn, sem flugu þessum flugvélum, voru ekki meðvitaðir um að kerfi vélarinnar var gallað
og hönnun þess var hættuleg“, segir í málsókninni.
Margir flugmenn, sem flugu Boeing 737 MAX um allan heim, hafa annað hvort verið sagt upp störfum
tímabundið eða ótímabundið eða færðir til í önnur störf með lægri laun.
„Flugmennirnir treystu því að Boeing væri að selja öruggar flugvélar og töldu að það væri ekkert
atriði sem þeir gætu ekki ráðið við er kemur að neyðarviðbrögðum en það traust virðist
hafa verið byggt á fölskum forsendum“, segir lögfræðingurinn Patrick Jones hjá PMJ PPLC í Chicago.
Málsóknin verður tekin fyrir í dómsal í Chicago í október í haust en fram kemur að verið sé að undirbúa
einnig sambærilega málsókn á hendur bandarískum flugmálayfirvöldum (FAA).
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
