flugfréttir

Einn af stofnendum Airbus og faðir A300 þotunnar látinn

- Roger Béteille látinn 97 ára að aldri

26. júní 2019

|

Frétt skrifuð kl. 10:54

Roger Béteille lést þann 14. júní síðastliðinn, 97 ára að aldri

Roger Béteille, einn af stofnendum Airbus og faðir Airbus A300 þotunnar, sem var fyrsta flugvélin sem Airbus þróaði og kom með á markaðinn, er látinn, 97 ára að aldri.

Roger Béteille var franskur flugvélaverkfræðingur og viðskiptamaður, fæddur í bænum Aveyron í Frakklandi árið 1921. Béteille fékk flugskírteini árið 1945 og hóf störf hjá flugvélaframleiðandanum Sud-Aviation árið 1952 þar sem hann starfaði meðal annars sem yfirmaður yfir flugprófunum og var hann einn af tilraunaflugmönnunum er Caravelle-flugvélin flaug sitt fyrsta flug árið 1955.

Frá árinu 1957 til 1967 starfaði hann í eldflauga- og gervihnattardeild fyrirtækisins en í júlí árið 1967 fékk Béteille hugmynd að hönnun á farþegaþotu sem gæti tekið allt að 300 farþega.

Roger Béteille árið 1974 og Airbus A300 breiðþotan

Sud Aviation leist vel á þá hugmynd og var Béteille gerður að yfirmanni yfir deild sem var ætlað að hefja hönnun og þróun á þeirri flugvél sem fékk vinnsluheitið A300 sem var formlega ýtt út vör árið 1969.

Viðræður hófust við Air France og Lufthansa sem urðu fyrstu flugfélögin til þess að panta þessa flugvél en í ljós kom að þau vildu hafa flugvélina aðeins smærri og var nafn vélarinnar breytt í Airbus A300B og stefnt á að hún myndi taka 250 farþega.

Roger Béteille náði samningum við mörg bandarísk flugfélög á áttunda áratugnum

Airbus gerði Béteille og Felix Kracht að fyrstu yfirmönnum yfir framleiðsludeild fyrirtækisins og var Béteille falið það verkefni að skipa í stöður og velja þau lönd sem komu að framleiðslunni sem endurspeglar ennþá Airbus eins og við þekkjum fyrirtækið í dag.

Frakkarnir þróuðu stjórnklefann á A300 þotunni, stjórnkerfi og hluti af skrokknum. Béteille valdi Hawker Siddeley til þess að sjá um að hanna vængina, Vestur-Þjóðverðar fengu það hlutverk að hanna fremri hluta búksins og stélhlutann, Hollendingar þróuðu flapakerfi og Spánverjar stélvængina.

Airbus A300 í sínu fyrsta flugi árið 1972

Béteille varði miklum tíma í að ræða við yfirmenn flugfélaga og hlusta á þeirra þarfir og var tekið mið af því í hönnun flugvéla og heimsótti hann meðal annars bandarísk flugfélög á borð við United, TWA og American Airlines. Einnig vann hann töluvert mikið með Air France og Lufthansa.

Stór hluti af velgengni Airbus á upphafsárum fyrirtæksins mátti þakka Béteille sem var oft kallaður Herra Airbus.

Béteille árið 1985

Einn af þeim sem ákvað að koma með Airbus A320 á markaðinn

Béteille var einnig einn af þeim sem tók þá lykilákvörðun að koma Airbus A320 í framleiðslu, þota sem átti síðar eftir að verða ein vinsælasta farþegaþota heims, en Airbus gerði sér fljótt grein fyrir því á sínum tíma að fyrirtækið þyrfti að koma með þotu á markaðinn til þess að keppa við Boeing og McDonnell Douglas í samkeppninni um minni farþegaþotur með einum gangi.

„Kannski vorum við of djarfir - Það var bara ekkert annað í stöðunni. Annað hvort þurfum við að verða með þeim fyrstu til að koma með nýja tækni á markaðinn eða velja um að vera ekki með á markaðnum“, sagði Béteille í viðtali við tímaritið Flight árið 1977 en A320 kom á markaðinn 10 árum síðar.

Í mörg ár starfaði Béteille sem rekstarstjóri Airbus og var álitinn sem faðir Airbus-fyrirtæksins ásamt Henri Ziegler og Felix Kracht og þess má geta að verksmiðjubyggingin, þar sem Airbus A350 er sett saman í Toulouse, er nefnd í höfuðið á Béteille.

Béteille hlaut Ludwig Prandtl Ring verlaunin árið 1986 sem er æðsta viðurkenning á vegum Deutsche Gesellschaft fur Luft- und Raunfahrt, sem eru samtök fyrirtækja í flugiðnaði í Þýskalandi.

Béteille var giftur óperusöngkonunni Josette Jasmin og bjuggu þau bæði í Cannes í Frakklandi og le Midi í suðurhluta Frakklands.

Béteille lést þann 14. júní síðastliðinn.







  fréttir af handahófi

Rannsaka typpamynd á radarnum eftir Boeing 737 þotu

17. nóvember 2020

|

Flugmálayfirvöld í Rússlandi eru nú að rannsaka hegðun tveggja flugmanna sem ákváðu að bregða á það ráð að fljúga af áætlaðri flugleið í miðju áætlunarflugi á milli tveggja borga í Rússlandi þann 11.

Antonov An-124 nauðlenti í Rússlandi eftir bilun í hreyfli

13. nóvember 2020

|

Fraktflugvél af gerðinni Antonov An-124 fór úr af braut í nauðlendingu á flugvellinum í borginni Novosibirsk í Rússlandi í morgun en skömmu áður hafði komið upp bilun í einum af fjórum hreyflum þotun

Ráðleggja fólki frá því að hefja flugnám

7. nóvember 2020

|

Breska flugmannafélagið BALPA hefur sent frá sér tilkynningu þar sem félagið ráðleggur þeim einstaklingum frá því að leggja flugið fyrir sig og vara við því að hefja flugnám vegna ástandsins í flugin

  Nýjustu flugfréttirnar

Kína fyrirskipar skoðun á hjólastelli á 737 Classic þotum

29. nóvember 2020

|

Flugmálayfirvöld í Kína hafa gefið frá sér tilmæli til þeirra kínverskra flugrekenda sem hafa Boeing 737 Classic þotur í flota sínum þar sem þeim er ráðlagt að framkvæma skoðun á hjólabúnaði eftir að

Þingmenn vilja stöðva útrás Wizz Air í Noregi

27. nóvember 2020

|

Nokkrir stjórnmálamenn á norska þinginu eru ekki sáttir við innréið ungverska lágfargjaldafélagsins á innanlandsmarkaðinn í Noregi en nokkrir þingmenn ætla að leita til samkeppnisyfirvalda til þess a

Bandaríkin íhuga að afnema ferðatakmarkanir til Evrópu

26. nóvember 2020

|

Sagt er að ríkisstjórn Bandaríkjanna muni á næstunni aflétta ferðatakmörkunum á milli Bandaríkjanna og Evrópu en takmarkanirnar hafa haldið mest allri flugumferðinni yfir Atlantshafinu í algjöru lág

Ingibjörg Arnarsdóttir ráðin til Isavia

26. nóvember 2020

|

Ingibjörg Arnarsdóttir hefur verið ráðin í stöðu framkvæmdastjóra á nýju sameinuðu sviði fjármála og mannauðs hjá Isavia en Ingibjörg hefur mikla stjórnunarreynslu á vettvangi fjármála og mannauðs.

Þakkargjörðarfarþegar fylla flugvelli þrátt fyrir viðvaranir

26. nóvember 2020

|

Flugvellir vestanhafs hafa verið troðfullir af flugfarþegum sem hafa verið á faraldsfæti vegna Þakkargjörðarhátíðarinnar og hafa um 5 milljónir farþega farið um bandaríska flugvelli á hálfri viku þrát

Volga-Dnepr kyrrsetur allar Antonov An-124 þoturnar

26. nóvember 2020

|

Rússneska flugfélagið Volga-Dnepr hefur kyrrsett allar Antonov An-124 fraktflugvélarnar í kjölfar atviks sem átti sér stað þann 13. nóvember sl. er flugvél af þeirri gerð fór út af flugbraut í Rússlan

Brasilía afléttir flugbanni vegna 737 MAX

25. nóvember 2020

|

Brasilísk flugmálayfirvöld hafa aflétt flugbanni yfir Boeing 737 MAX þotunum og er Brasilía því annað landið til að gefa aftur út flughæfnisvottun fyrir MAX þotunum á eftir Bandaríkjunum sem afléttu f

Ætla að fljúga öllum risaþotunum árið 2022

25. nóvember 2020

|

Emirates sér fram á að allar Airbus A380 risaþoturnar í flotanum verði komnar aftur í notkun fyrir árið 2022.

Rannsókn sýnir fram á að heilinn í flugmönnum virkar öðruvísi

24. nóvember 2020

|

Því hefur stundum verið haldið fram að flugmenn geta verið soldið frábrugðnir öðru fólki og sér á parti enda ekki öllum sem dettur í hug að stíga upp í farartæki og stjórna því í háloftunum.

Nafn Air Iceland Connect gæti tekið breytingum

24. nóvember 2020

|

Svo gæti farið að nafn flugfélagsins Air Iceland Connect verði breytt á næstunni eftir að hafa verið í notkun í 3 ár eða frá því að félagið hætti að nota nafnið Flugfélag Íslands árið 2017.

">

 síðustu atvik

  2019-01-01 20:20:00