flugfréttir

Flughermafélag Íslands stofnað

- Áhugamannafélag þeirra sem fljúga „simmaflug“ á Íslandi

29. júní 2019

|

Frétt skrifuð kl. 20:54

Áhersla Flughermafélags Íslands er að efla áhuga fólks á flugi í tölvu og halda utan um félagsskap þeirra sem fljúga í hermi

Nokkrir áhugamenn á Íslandi um flug í flughermi komu saman í dag á stofnfundi Flughermafélags Íslands sem er fyrsta félag sinnar tegundar sem stofnað hefur verið hérlendis í kringum flugherma.

Nokkuð stór hópur einstaklinga og áhugamanna um hermaflug fljúga reglulega í tölvum og eru tæplega 400 meðlimir í íslenskum flughermahópi á Facebook sem kallast The Icelandic Flightsim Community

„Með félaginu erum við að koma þessu áhugamáli til almennings. Þetta eru ekki bara skrítnir menn út í horni sem eru að leika sér að fljúga í tölvunni. Þetta snýst um miklu meira en það“, segir Böðvar Eggertsson, formaður Flughermafélags Íslands.

Auðvelt og ódýrt að koma sér upp flughermi

Að koma sér upp flughermi í tölvunni er ekki dýrt en til að mynda kostar X-Plane um 7.400 krónur og er hægt að versla hann á Netinu og niðurhala forritinu strax og hefjast handa við að setja herminn upp og byrja að fljúga.

Böðvar hefur varið tæpu ári í smíðu á King Air flugherminum og bíður eftir því að fá heimsókn frá flugmann sem flýgur King Air til að leggja mat á flugherminn

Í flughermum er hægt að fljúga með raunverulegum hætti milli hvaða staða sem er í heiminum hvort sem um er að ræða 40 mínútna flug til Akureyrar frá Reykjavík eða flug frá Keflavík til Kanaríeyja sem tekur þá um 5 klukkustundir í eins og í raunveruleikanum.

Þá er hægt að vera með alvöru veður uppsett sem er eins og veðrið er í raunveruleikanum sem þýðir að ef það er stormur og hvassviðri úti þá er sama veðrið í flugherminum. Endalaust er að hægt að bæta við viðbótum á borð við raunverulegra landslagi og ítarlegri flugvöllum auk þess sem hægt er að sækja frítt eða kaupa mjög raunverulegar útgáfur af flugvélum á Netinu hvort sem um ræðir Boeing 757, tveggja hreyfla Piper-flugvél, Concorde, DC-10, Cessnu Skyhawk eða gamaldags tvíþekju.

Flughermirinn tekur stórt pláss í skúrnum eins og flestir alvöru hermar

„Þetta er orðið mjög aðgengilegt fyrir fólk að komast í þetta. Þessi forrit kosta ekki mikinn pening og þetta er orðið mjög raunverulegt. Allt landslag er farið að líta það vel út að það er farið að nálgast það sem maður sér í alvöru flugi. Þú getur ferðast óbeint í þessum sýndarheimi og séð það sem þú sérð ekki annars.“, segir Böðvar.

Einn fullkomnasti heimasmíðaði King Air flughermir á landinu

Böðvar er einn þeirra sem hefur tekið skrefið lengra í flughermadellunni og smíðað nákvæman flughermi af King Air flugvélinni sem er sú vél sem Mýflug og Norlandair notast við í sínum rekstri.

Hermirinn kemur með lokuðum stjórnklefa og í honum má finna tvö sæti, stjórntæki, inngjöf, alla helstu mæla og þrjá stóra skjái sem bjóða upp á 180 gráðu ásýnd og svipar hann til þeirra herma sem notaðir eru við fyrir þjálfun flugmann og í verklegri kennslu í flugskólum.

Flugmenn í King Air flugherminum að undirbúa lendingu í Grímsey

„Þetta er verkefni sem hefur staðið yfir í ár. Það þarf að ná sér í þekkingu. Ég er ekki einn í þessu. Við höfum verið sex í mismunandi löndum; Noregi, Kólumbíu, Brasilíu, Austurríki og í Bandaríkjunum sem höfum smíðað King Air flugherma samtímis í samvinnu án þess að það kosti heilan handlegg“

“Það fer mikill tími í þetta. Það hefur farið nánast hver einasta stund sem er aflögu í að smíða herminn“, segir Böðvar en hann byrjaði þann 4. júlí árið 2018 að smíða herminn. Þrátt fyrir að flughermirinn sé fulltilbúinn í augum flestra þá telur Böðvar að hann sé um 60 til 70% tilbúinn.

„King Air er flott græja“

„Þetta er flott græja“, svarar Böðvar aðspurður hversvegna King Air varð fyrir valinu - „Af svona stærð af flugvél þá er þetta bara sportbílinn í iðnaðinum. Hún „performar“ vel, er kraftmikil, nær 20.000 fetum á 10 mínútum sem segir allt um kraftinn sem er í henni og er skemmtileg að meðhöndla. Það kemur kannski sá dagur sem ég fæ að taka í alvöru King Air“, segir Böðvar brosandi.

Mjög góð mæting var á stofnfundi Flughermafélags Íslands sem fram fór í dag

Böðvar segir að eftir alla þessa vinnu sem hefur farið í smíðina á herminum að þá hefur hann komist að því að hann er miklu meiri flugvirki en flugmaður. Er kemur að smíði og verkfræði þá er Böðvar á heimavelli en Böðvar er vélstjóri og vélfræðingur að mennt og kennir í dag málmiðngreinar við Fjölbrautarskóla Vesturlands.

Flughermar bæði notaðir í leik, þjálfun og starfi

Flughermar eru bæði notaðar í leik og í starfi en tugþúsundir áhugamenn auk flugmanna um allan heim fljúga daglega í hermi í tölvu auk þess sem margir áhugamenn hafa farið skrefinu lengra og smíðað sinn eigin flughermi.

Tölvurisinn Microsoft var einn af brautryðjendum í þróun á tölvuleikjum þar sem notandi gat flogið í tölvu og kom sá fyrsti út frá Microsoft árið 1982 og komu í kjölfarið ellefu útgáfur til viðbótar til ársins 2006 er Flight Simulator X kom út.

Án ef eru margir flugáhugamenn sem hefðu ekkert á móti því að hafa svona flughermi í skúrnum sínum

Í dag hefur hermirinn X-Plane frá Laminar Research orðið einn fremsti flughermir heims eftir að Microsoft hætti að koma með nýjar útgáfur fyrir 13 árum síðan en í síðasta mánuði kom tilkynning frá Microsoft þess efnis að fyrirtækið ætlar að koma með nýja útgáfu á markað á næsta ári. Þá hefur flughermirinn Prepar3D einnig notið vinsælda og hefur hann verið talinn mjög nákvæmur og hefur hann verið notaður í iðnaðinum fyrir þjálfun flugmanna.

Þeir sem vilja kynna sér flughermasamfélagið á Íslandi geta sótt um aðgang að Facebook-hópnum The Icelandic Flightsim Community en þess má geta að reglulega er farið í hópflug þar sem tengst er í gegnum sýndarveruleikaflugheim sem kallast VATSIM sem býður meðal annars upp á stjórnuð flugumferðarsvæði og þá er hægt að sjá aðrar flugvélar sem aðrir eru að fljúga á sama tíma í loftinu eða á flugvöllum.

Fleiri myndir:











  fréttir af handahófi

Yfir 90 prósent starfsfólks hjá Jet Time sagt upp

30. júní 2020

|

Danska flugfélagið Jet Time hefur sagt upp 90 prósent af öllu starfsfólki félagsins eða 313 af þeim 342 sem hafa starfað hjá félaginu.

Icelandair segir upp öllum flugfreyjum og flugþjónum

17. júlí 2020

|

Icelandair hefur sagt upp öllum flugfreyjum og flugþjónum félagsins í kjölfar þess að ekki náðist að semja í kjaradeilunni við Flugfreyjufélag Íslands.

Staða máls vegna flugslyss á Haukadalsmelum

17. ágúst 2020

|

Rannsóknarnefnd samgönguslysa (RNSA) hefur gefið frá sér skýrslu með stöðu á máli er varðar flugslys sem átti sér stað þann 27. júlí í fyrra er lítil flugvél brotlenti í flugtaki á Haukadalsmelum.

  Nýjustu flugfréttirnar

EASA gæti aflétt flugbanni 737 MAX í nóvember

25. september 2020

|

Flugöryggisstofnun Evrópu (EASA) íhugar að gefa Boeing 737 MAX þotunum leyfi til að hefja flug að nýju í nóvember næstkomandi og með því aflétta flugbanni vélanna í evrópskri lofthelgi sem hefur varað

Harrison Ford fær að fljúga á ný

25. september 2020

|

Bandarísk flugmálayfirvöld (FAA) hafa lokið við rannsókn á máli Harrison Ford eftir brautarátroðning sem átti sér stað í vor er hann þveraði flugbraut án heimildar og hefur leikarinn fengið leyfi ti

Ryanair með 2 fyrir 1 tilboð

24. september 2020

|

Ryanair hefur í fyrsta skipti í sögu félagsins kynnt „2 fyrir 1“ tilboð þar sem farþegum er boðið upp á að bóka flug og fá aukaflugsæti frítt með í kaupunum.

Ryanair þarf stóra ríkisaðstoð til að forðast hópuppsagnir

24. september 2020

|

Michael O´Leary, framkvæmdarstjóri Ryanair, segir að lágfargjaldafélagið írska neyðist til þess að láta starfsfólk taka að sér launalaust leyfi í vetur ef opinber ríkisaðstoð til félagsins verður ekki

800 milljónir í bónusgreiðslur en greiddu ekki starfsmönnum laun

24. september 2020

|

Kólumbíska flugfélagið Avianca hefur verið harðlega gagnrýnt fyrir að hafa greitt yfirmönnum og stjórnarmeðlimum félagsins rausnarlega bónusa í maí í vor á sama tíma og flugfélagið gat ekki greitt st

Telja reglu um rýmingu á 90 sekúndum vera úrelda

23. september 2020

|

Eftirlitsdeild innan samgönguráðuneytis Bandaríkjanna segir að endurskoða þurfi reglu innan flugsins er varðar hámarkstíma sem rýma skal flugvél og koma öllum farþegum frá borði ef upp kemur neyðarást

American ætlar að hefja þjálfun á 737 MAX í nóvember

23. september 2020

|

American Airlines ætlar að byrja að þjálfa flugmenn sína aftur á Boeing 737 MAX þoturnar í nóvember sem er liður í undirbúningi fyrir endurkoma vélanna til áætlunarflugs.

SAS ætlar ekki að fljúga til Færeyja í vetur

23. september 2020

|

Scandinavian Airlines (SAS) ætlar ekki að fljúga til Færeyja í vetur og mun félagið fljúga síðasta flugið á þessu ári til Vágar þann 29. september.

IATA: Skimun fyrir brottför eina lausnin til að bjarga fluginu

22. september 2020

|

Alþjóðasamtök flugfélaganna (IATA) segja að eina leiðin til að binda endi á núverandi ástand í fluginu, og koma áætlunarflugi á milli landa aftur í gang, sé að skima alla farþega á flugvöllum fyrir

Innanlandsflug í Víetnam búið að ná bata og gott betur

22. september 2020

|

Þrátt fyrir slæmt ástand í flugiðnaðinum víðast hvar í heiminum þá hefur innanlandsflugið í Víetnam náð sér að fullu og gott betur samkvæmt flugfélaginu Vietnam Airlines.

 síðustu atvik

  2019-01-01 20:20:00