flugfréttir

Manston-flugvöllur mun opna aftur í stað 3.700 nýrra íbúða

- Kaupa landið af fyrirtæki sem fékk ekki leyfi fyrir íbúðabyggð

8. júlí 2019

|

Frétt skrifuð kl. 21:17

London Manston-flugvellinum í Kent var lokað árið 2014

London mun að öllum líkindum aftur verða „sjö flugvalla borg“ þar sem til stendur að taka aftur í notkun Manston-flugvöllinn sem lokaði árið 2014.

Núna hefur fjárfestingafyrirtæki eitt náð að kaupa flugvöllinn frá fyrrverandi eigendum sem keyptu flugvallarlandið árið 2014 til að reisa nýjar íbúðir á svæðinu.

Síðasta áætlunarflugið yfirgaf Manston-flugvöllinn þann 9. apríl árið 2014 sem var flug KLM til Amsterdam og mánuði síðar var flugvellinum lokað eftir að fyrirtækið Stone Hill Park keypti landið til að byggja um 3.700 íbúðir á svæðinu.

Farþegar ganga um borð í þotu KLM Cityhopper á Manston-flugvellinum

Sögu Manston Airport flugvallarins má rekja aftur til ársins 1916 þegar aðeins 13 ár voru liðin frá fyrsta flugi Wright-bræðra í Ameríku en flugvöllurinn var notaður í orrustunni um Bretland í seinni heimstyrjöldinni er Bretar börðust við Luftwaffe-flugherdeild Þjóðverja.

Áform Stone Hill Park gengu hinsvegar ekki eftir þar sem að ekki fékkst leyfi til að byggja íbúðir á flugvallarlandinu og var tillögu hópsins hafnað í janúar í fyrra.

Save Manston Airport hópurinn hefur barist fyrir því að bjarga
flugvellinum í 5 ár og hefur það loksins borið árangur

Á sama tíma og fyrirtækið reyndi að fá leyfi til að reisa 3.700 til 4.000 nýjar íbúðir á landsvæðinu þá vann fyrirtækið RiverOak Investment Corporation hörðum höndum að því að fá leyfi frá samgönguráðuneyti Bretlands til að þvinga Stone Hill Park til að selja flugvöllinn aftur svo að þeir gætu opnað Manston-flugvöllinn aftur á þeim forsendum að þar leynast mörg tækifæri fyrir farþegaflug og fraktflug.

Ganga frá kaupunum í næstu viku og hefja endurbygginu vallarins

RiverOak Investment Corporation eignaðist flugvöllinn núna í vikunni og hefur fyrirtækið staðfest að gengið verði frá kaupunum frá Stone Hill Park á morgun og verði kaupin formlega gengin í gegn þann 11. júlí næstkomandi.

„Við keyptum landið til að koma flugvallarstarfseminni aftur í gang. Eins og staðan er núna þá mun hann opna að nýju árið 2022 fyrir áætlunarflug á styttri flugleiðum og einnig mun hann opna fyrir fraktflugi“, segir Tony Freudmann, yfirmaður RiverOak Investments.

Alls voru 144 manns sem misstu vinnuna sína er flugvellinum var lokað fyrir 5 árum síðan og íbúar á svæðinu mótmæltu lokuninni og sölunni á flugvellinum og söfnuðust alls 26.000 undirskriftir.

Tölvugerð teikning af íbúðum sem Stone Hill Park vildi reisa á flugvallarlandinu

RiverOak gerir ráð fyrir að um 860.000 farþegar geti farið um flugvöllinn árið 2024, tveimur árum eftir að hann opnar aftur, en Ryanair hefur lýst yfir miklum áhuga fyrir flugi um London Manston flugvöll þar sem lágfargjaldafélagið írska flýgur ekki til neinna flugvalla sunnan Thames-árinnar í London fyrir utan nokkur flug til London Gatwick.

London hefur í dag sex flugvelli; Heathrow, Gatwick, Luton, London City, Stansted og Southend en Ryanair flýgur um fjóra af þessum flugvöllum.

Að ofan: DC-6 flugvél Greenlandair á Manston-flugvellinum árið 1979 og flugvöllurinn eins og hann leit út rétt fyrir lokun hans árið 2014

Þá gæti British Airways nýtt sér Manston-flugvöllinn til þess að létta af álaginu um þá flugvelli sem félagið notar í dag í kringum Lundúni en félagið hafði notað Manston-flugvöll fyrir þjálfanir áhafna.

Samgönguráðuneyti Bretlands tilkynnti í fyrra að ef þriðju flugbrautinni verður ekki bætt við á Heathrow að þá verða flugvellirnir fimm á Lundúnarsvæðinu orðnir fyrirfullir fyrir árið 2034.

Boeing 767 einkaþota Rolling Stones á London Manston flugvellinum í mars árið 2014

„Það er mikil gleði að heyra að RiverOak hefur gert samning um kaup og yfirtöku á Manston-flugvellinum. Þetta hefur verið þrotlaus barátta í fimm ár og mikil vinna að baki og markmiðið okkar er orðið að veruleika og það er það sem við höfum barist fyrir allan þennan tíma“, segir Dan Light, stofnandi samtakanna „Save Manston Airport“.

RiverOak Investment ætlar sér að koma flugvellinum aftur í gang á þremur árum







  fréttir af handahófi

Hætta við að panta fleiri Sukhoi-þotur í kjölfar flugslyss

6. maí 2019

|

Eitt rússneskt flugfélag hefur hætt við áform um að panta tíu Sukhoi Superjet 100 þotur til viðbótar en félagið tilkynnti um þetta í morgun, daginn eftir flugslys sem átti sér stað í gær er þota söm

Vonast til að geta farið að fljúga 737 MAX þotunum fyrir lok júlí

13. maí 2019

|

Flugfélagið Copa Airlines í Panama segist eiga von á því að geta farið að nota aftur Boeing 737 MAX þoturnar fyrir lok júlímánaðar.

Hætta að fljúga frá Cork og Shannon til Bandaríkjanna

26. júní 2019

|

Norwegian hefur ákveðið að hætta að fljúga til Bandaríkjanna frá Cork og Shannon á Írlandi og mun félagið því aðeins fljúga til Norður-Ameríuku frá eyjunni grænu frá Dublin.

  Nýjustu flugfréttirnar

Tvö ókeypis námskeið hefjast í næstu viku hjá Keili

18. júlí 2019

|

Í næstu viku munu tvö námskeið hefjast á vegum Flugakademíu Keilis, annars vegar grunnnámskeið um einka- og atvinnuflugnám og hinsvegar námskeið fyrir ungt fólk um flugtengd störf en bæði námskeiðin

Fær reikning upp á 13 milljónir vegna dólgsláta um borð

18. júlí 2019

|

Annar flugdólgur hefur nú fengið himinháan reikning í bakið fyrir ósæmilega hegðun um borð í flugvél sem var í þetta skiptið á leið til Tyrklands frá Bretlandi en áhöfn vélarninar neyddist til þess

Aðeins 200 kíló eftir af eldsneyti í tönkunum við lendingu

18. júlí 2019

|

Farþegaþota á Indlandi var aðeins sex mínútum frá því að hafa klárað allt eldsneyti um borð áður en hún náði að lenda á flugvellinum í Delí fyrr í vikunni.

Fimm ár síðan að flug MH17 var skotið niður yfir Úkraínu

17. júlí 2019

|

Fimm ár eru í dag liðin frá því að Boeing 777 farþegaþota, flug MH17, á vegum Malaysia Airlines fórst nálægt bænum Hrabove í Úkraínu eftir að hafa verið skotin niður með flugskeyti á leið sinni frá A

Air Lease fær grænt ljós á að sækja Airbus-þotuna

17. júlí 2019

|

Bandaríska flugvélaleigan Air Lease Corporation hefur fengið grænt ljós á að sækja Airbus A321 þotu í eigu fyrirtækisins sem staðið hefur á Keflavíkurflugvelli frá gjaldþroti WOW air eftir að Héraðsdó

Flugfélag kærir Youtube-stjörnu vegna myndatöku um borð

17. júlí 2019

|

Flugfélagið Garuda hefur kært Youtube-stjörnu í Indónesíu fyrir ærumeiðingar eftir að viðkomandi aðili, sem er þekktur myndbandsbloggari þar í landi, gerði grín að flugfélaginu á samfélagsmiðlum.

Fyrsta P-8A herflugvélin fyrir Bretland flýgur fyrsta flugið

16. júlí 2019

|

Fyrsta Boeing P-8A Poseidon herflugvélin fyrir breska flugherinn flaug sitt fyrsta flug á dögunum frá flugvellinum í Renton nálægt Seattle og markar þetta upphafið af flugprófunum með P-8A flugvélarn

Loka starfsstöðvum vegna seinkana á nýjum MAX-þotum

16. júlí 2019

|

Ryanair hefur sent frá sér tilkynningu þar sem félagið segir að til komi að skera niður starfsemi félagsins með því að loka nokkrum starfsstöðvum í haust sem má rekja til kyrrsetningu á Boeing 737 MA

Fyrsta A320neo þota Atlantic Airways komin til Færeyja

15. júlí 2019

|

Færeyska flugfélagið Atlantic Airways hefur tekið við fyrstu Airbus A320neo þotunni sem ber skráninguna OY-RCK og var hún afhent ný til félagsins um helgina.

Fallhlífarstökksflugvél ók á kyrrstæða kennsluvél í Slóvakíu

15. júlí 2019

|

Engann sakaði er tvær flugvélar rákust saman á jörðu niðri í Slóvakíu í gær en önnur vélin, af gerðinni Pilatus PC-6, ók á kyrrstæða Diamond DA40 flugvél sem var mannlaus.

 síðustu atvik

  2019-01-01 20:20:00