flugfréttir
552.000 farþegar flugu með Icelandair í júnímánuði
TF-FIS („Grímsvötn“), Boeing 757-200 þota Icelandair í lendingu á flugvellinum í Kansas City
Aldrei hafa eins margir farþegar flogið með Icelandair í júnímánuði líkt og seinast þegar 552.790 farþegar flugu með félaginu sem er í fyrsta sinn sem farþegafjöldinn fer yfir hálfa milljón í júní.
Þetta er aukning upp á 15 prósent samanborið við júní 2018 þegar 480 þúsund flugu með félaginu og þá flugu einnig fleiri með félaginu í júní heldur en í ágúst í fyrra sem var annasamasti mánuður ársins.
Sætanýtingin var 88% samanborið við 84,4% í júní í fyrra og þá var framboð á flugsætum aukið um 8 prósent.
Farþegum fjölgaði verulega bæði til og frá Íslandi – um 41% til Íslands, sem nam um 61 þúsund farþegum, og um 27% á heimamarkaðinum frá Íslandi, sem nam tæplega 15 þúsund farþegum, en þessi aukning er meðal annars vegna áherslu félagsins á að
lágmarka áhrif kyrrsetningar Boeing 737 MAX véla félagsins og breytinga í samkeppnisumhverfinu á markaðina til og frá Íslandi.
Atlantshafsmarkaðurinn var stærsti markaður félagins í júní með 49% af heildarfarþegafjölda og dróst fjöldi skiptifarþega lítillega saman á milli tímabila, eða um 1%. Komustundvísi í leiðarkerfi félagsins í júní nam 64% samanborið við 40% í júní á síðasta ári en góður árangur hefur náðst í að bæta stundvísi þrátt fyrir minni sveigjanleika í flugáætlun félagsins vegna kyrrsetningar MAX véla félagsins.
Samdráttur í innanlandsflugi
Farþegar Air Iceland Connect voru 25 þúsund í júní og fækkaði um 13% sem er í takt við samdrátt í framleiðslu á milli ára. Sætanýting nam 72,3% og jókst
um 2,7 prósentustig á milli ára.
Seldum blokktímum í leiguflugi fækkaði um 15% milli ára vegna færri verkefna en á sama tíma í fyrra og viðhalds flugvéla. Fraktflutningar jukust um 5%.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.