flugfréttir
Flapi losnaði af Boeing 747 í aðflugi og féll til jarðar
- Losnaði af fraktþotu KLM Cargo í aðflugi að Harare í Zimbabwe í gær
Flapinn losnaði af í aðflugi að flugvellinum í Harare eftir flug frá Jóhannesarborg í gær
Rannsókn stendur nú yfir á atviki sem átti sér stað í gær er flapi losnaði af júmbó-fraktþotu af gerðinni Boeing 747-400ERF frá KLM Cargo.
Þotan var í aðflugi í um 30 kílómetra fjarlægð suðaustur af flugvellinum í Harare, höfuðborg Zimbabwe, þegar
stór hluti af flapabúnaði á öðrum væng vélarinnar losnaði og féll til jarðar.
Talsmaður KLM segir að flapinn hafi fundist í útjaðri höfuðborgarinnar og er tekið fram að engan sakaði
og einnig að flugvélin hafi lent vandræðalaust samkvæmt áætlun.
Eins og sjá má er flapi af júmbó-þotu engin smá smíði
Samkvæmt upplýsingum er um að ræða þotu sem hefur skráninguna PH-CKA sem var afhent til Martinair Cargo
sem annast flug vélarinnar fyrir hönd KLM Cargo en þotan var smíðuð árið 2003.
Á meðfylgjandi myndum má sjá starfsmann á vegum flugmálayfirvalda í Zimbabwe að störfum á vettvangi
við flapann sem losnaði og kemur fram að hann hafi komið niður nálægt bænum Chitungwiza.
Aðeins eru 10 mánuðir frá því að flapi losnaði seinast af júmbó-fraktþotu sömu gerðar
sem átti sér stað í september í fyrra er Boeing 747-400ERF þota frá MyCargo Airlines (Saudia
Cargo) var í aðflugi að flugvellinum í Frankfurt í Þýskalandi.
Við skoðun eftir lendingu kom í ljós að raufung vantaði á fremri vængbrún vélarinnar
en stykkið fannst ekki í kjölfar atviksins.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.