flugfréttir
Cabo Verde Airlines tekur í notkun Boeing 737-300 þotu
YR-CBK í litum Cobrex Trans
Cabo Verde Airlines, flugfélagið á Grænhöfðaeyjum, hefur tekið í notkun Boeing 737-300 þotu sem félagið mun nota til þess að fljúga áætlunarflug frá Nelson Mandela flugvellinum við bæinn Praia til Lissabon í Portúgal.
Með þessu ætlar félagið að auka tíðni á flugi milli Praia og Lissabon upp í þrjár flugferðir í viku vegna
aukinnar eftirspurnar á flugsætum milli Grænhöfðaeyja og Portúgals en flugferðirnar verða
allar samræmdar við flug milli til eyjunnar Sal þar sem Cabo Verde Airlines hefur höfuðstöðvar.
Með Boeing 737-300 þotunni mun flugfloti Cabo Verde Airlines fara upp í fjórar þotur en félagið
hefur þrjár Boeing 757 þotur í flotanum og þar af eina sem er á leigu frá Loftleiðir Icelandic sem á 51% hlut
í flugfélaginu.
Boeing 757-200 þotur Cabo Verde Airlines sinna áætlunarflugi frá eyjunni Sal til Dakar, Lissabon, Parísar, Mílanó,
Rómar, Boston, Fortaleza, Recife og Salvador.
Þá hefur ríkisstjórn Grænhöfðaeyja tilkynnt að félagið muni hefja áætlunarflug til Luanda í Angóla í desember.
Boeing 737-300 þotan, sem Cabo Verde Airlines hefur tekið í notkun, kom til eyjanna sl. þriðjudag og mun
hún hefja áætlunarflug þann 30. ágúst. Þotan ber skráninguna YR-CBK og flaug hún áður fyrir rúmenska
flugfélagið Cobrex Trans.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.