flugfréttir

Svíþjóð pantar sex Pilatus PC-24 sjúkraþotur

- Þær fyrstu verða afhentar árið 2021

21. ágúst 2019

|

Frétt skrifuð kl. 17:44

Tölvugerð mynd af Pilatus PC-24 þotunni í litum sænsku sjúkraflugsþjónustunnar

Sænska sjúkraflugþjónustan KSA (Kommunalförbundet Svenskt Ambulansflyg) hefur lagt inn pöntun til Pilatus flugvélaframleiðandans í sex sjúkraþotur af gerðinni Pilatus PC-24.

Flugvélarnar verða afhentar með fullum tækjabúnaði og innréttaðar með aðstöðu fyrir sjúkraflutningar en þær fyrstu verða afhentar til Svíþjóðar árið 2021.

Sænska sjúkraflugþjónustan mun með þessu tryggja almennngi öruggar og skjótar flugsamgöngur með sjúklinga um Svíþjóð sem teygir sig yfir 1.500 kílómetra frá norðri til suðurs en sjúkraþjónustan hefur höfuðstöðvar í Luleå í norðurhluta landsins.

„Þetta vandaða val staðfestir að Pilatus PC-24 er ein fullkomnasta þota sem völ er á til sjúkraflutninga“, segir Oscar Schwenk, forstjóri Pilatus, sem tekur fram að framleiðandinn ætlar sér að markaðsetja þotuna enn frekar í sambærilegum tilgangi.

Um borð í Pilatus PC-24 þotunni með innréttingu fyrir sjúkraflug

KSA er annað fyrirtækið sem annast sjúkraflutningar sem leggur inn pöntun í Pilatus PC-24 en ástralska sjúkraflugsfyrirtækið Royal Flying Doctor Service pantaði sex slíkar þotur árið 2014 og hafa af þeim þrjár verið afhentar.

Pilatus PC-24 sjúkraþotan kemur með þrýstingsjöfnuðu rými sem er innréttað með rúmaðstöðu fyrir þrjá sjúklinga og eitt hvíldarrúm fyrir sjúkraliða eða lækna. Þá kemur þotan með stórri hurð svo hægt sé að koma sjúklingi fyrir um borð með skjótum hætti.

Pilatus PC-24 sjúkraþota sem afhent hefur verið til sjúkraflugsþjónustunnar í Ástralíu

KSA er fjármagnað og í sameiginlegri eigu allra þeirra 21 sýslna sem mynda Svíþjóð. Fram kemur að tími skiptir höfuðmáli er kemur að neyðartilfellum í svo stóru landi og er því nauðsynlegt að tryggja almenningi í Svíþjóð möguleikann á því að hægt er að fljúga á sem stystum tíma með þann sem þarf að komast tafarlaust undir læknishendur.

Ein ástæða þess að KSA valdi PC-24 þotuna er vegna þess hversu hraðfleyg hún er auk þess sem hægt er að lenda og taka á loft á stuttum flugbrautum þegar verið er að sækja sjúklinga á afskektum svæðum í Svíþjóð.

Myndband:







  fréttir af handahófi

Næturflugbanni um lágfargjaldaflugvöll áfrýjað

28. ágúst 2019

|

Flugmálayfirvöld í Argentínu ætla að áfrýja ákvörðun dómstóla sem hafa samþykkt næturflugbann um El Palomar flugvöllinn í Buenos Aires að beiðni argentínska ríkisins.

CFM nær að yfirstíga seinkanir á nýjum LEAP-hreyflum

28. október 2019

|

Hreyflaframleiðandinn CFM International segir að fyrirtækinu hafi tekist að fullu að greiða úr þeim vanda sem hafði hindrað afhendingar á nýjum LEAP-hreyflum fyrir Boeing 737 MAX þoturnar og Airbus

Ríkisstjórn Trumps bannar áætlunarflug til Kúbu

28. október 2019

|

Ríkisstjórn Donalds Trumps hefur fyrirskipað bandarískum flugfélögum að hætta að fljúga til allra þeirra níu áfangastaða á Kúbu fyrir utan Havana í þeim tilgangi að stöðva flæði á bandarískum gjaldey

  Nýjustu flugfréttirnar

11 mánuði tók að rífa fyrstu A380 risaþotuna

21. nóvember 2019

|

Búið er að rífa fyrstu Airbus A380 risaþotuna sem farið hefur í brotajárn en 11 mánuðir eru síðan að byrjað var að taka fyrstu varahlutina úr þotunni.

GPU aflstöð varð fyrir mótor í gangi á Q400 flugvél

21. nóvember 2019

|

Flugvél af gerðinni de Havilland DHC-8-400, skemmdist er loftskrúfa á öðrum hreyfli vélarinnar varð fyrir aflstöð (GPU) á meðan mótorinn var í gangi.

AirBaltic selur fimm A220 þotur og leigir til baka

21. nóvember 2019

|

Flugfélagið airBaltic hefur ákveðið að selja fimm Airbus A220-300 þotur (CSeries CS300) og leigja vélarnar til baka.

Hefur 15 sinnum farið í flug og þóst vera flugstjóri hjá Lufthansa

20. nóvember 2019

|

Indverskur karlmaður var gómaður á Indira Gandhi flugvellinum í Delí á Indlandi sl. mánudag eftir að í ljós kom að hann hafði villt á sér heimildir þar sem hann þóttist vera flugmaður.

Vilja að reglur um hvíldartíma gildi einnig fyrir fraktflugið

20. nóvember 2019

|

Flugmenn í Bandaríkjunum og samtök flugmanna vestanhafs krefjast þess að sömu reglur um hvíldartímar verði látnar gilda fyrir þá flugmenn sem fljúga fraktflug og er farið fram á að þeir heyri undir s

Nýr framkvæmdarstjóri mun taka við stjórn Norwegian

20. nóvember 2019

|

Nýr framkvæmdarstjóri hefur verið skipaður í stjórn Norwegian sem mun taka við stöðu Björn Kjos sem steig til hliðar í júlí í sumar.

Air Astana pantar þrjátíu Boeing 737 MAX þotur

19. nóvember 2019

|

Air Astana, ríkisflugfélag Kazakhstan, hefur undirritað samkomulag við Boeing um pöntun á allt að 30 þotum af gerðinni Boeing 737 MAX sem munu fara í flota nýs lágfargjaldaflugfélags sem stofnað var

SunExpress pantar tíu Boeing 737 MAX þotur

18. nóvember 2019

|

Tyrkneska flugfélagið SunExpress hefur ákveðið að nýta sér kauprétt á 10 Boeing 737 MAX þotum til viðbótar og undirritaði félagið samning varðandi fleiri þotur í dag á Dubai Airshow flugsýningunni.

Panta 120 þotur frá Airbus

18. nóvember 2019

|

Lágfargjaldafélagið Air Arabia hefur lagt inn pöntun til Airbus í 120 þotur úr A320neo fjölskyldunni.

Fyrirmæli frá FAA ná til yfir 4.000 Bonanza-flugvéla

18. nóvember 2019

|

Bandarísk flugmálayfirvöld (FAA) hafa gefið út fyrirmæli um skoðun á 36 mismunandi tegundum af Bonanza-flugvélum sem nær því til alls 4.100 flugvéla í Bandaríkjunum af Bonanza-gerð.