flugfréttir
TF-MYA skemmd eftir að hafa orðið fyrir gæsahópi í flugtaki
- Hætti við flugtak með tvo sjúklinga á Reykjavíkurflugvelli
26. ágúst 2019
|
Frétt skrifuð kl. 20:41
TF-MYA, sjúkraflugvél Mýflugs á Reykjavíkurflugvelli
TF-MYA, Super King Air sjúkraflugvél Mýflugs, varð fyrir skemmdum í dag er flugvélin varð fyrir hópi gæsa sem flugu í veg fyrir vélina er hún var í flugtaki á Reykjavíkurflugvelli í dag.
Flugvélin var á flugtaki á braut 13 kl. 16:21 í dag á leið til Akureyrar þegar gæsahópur flaug fyrir vélina þegar hún var í flugbrautarbruninu
en flugmenn vélarinnar hættu við flugtakið, stöðvuðu vélina og héldu til baka að stæði.
Tveir sjúklingar voru um borð í vélinni sem verið var að flytja aftur norður til Akureyrar eftir læknisþjónustu í Reykjavík og verða
þeir fluttir þess í stað norður á morgun.
Skemmdir og blóð eftir gæsirnar undir vængrótinni vinstra megin
Að sögn Leifs Hallgrímssonar, framkvæmdarstjóra Mýflugs, í fréttum RÚV er tjónið talið vera þónokkuð og gæti verið
að flugvélin verði frá í allt að tvær vikur vegna viðgerðar.
Önnur sjúkraflugvél Mýflugs hefur verið virkjuð til sjúkraflugs í stað TF-MYA en félagið hefur einnig til umráða TF-MYV
sem er líka af gerðinni Beech B200 Super King Air.
Um borð í flugvélinni voru tveir sjúklingar, einn aðstandandi, tveir flugmenn og einn sjúkraflutningamaður og sakaði engan.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
