flugfréttir
Næturflugbanni um lágfargjaldaflugvöll áfrýjað
- Segja að lágfargjaldafélög verði að geta flogið nótt sem nýtan dag
Boeing 737 þota Flybondi á El Palomar flugvellinum í Buenos Aires í Argentínu
Flugmálayfirvöld í Argentínu ætla að áfrýja ákvörðun dómstóla sem hafa samþykkt næturflugbann um El Palomar flugvöllinn í Buenos Aires að beiðni argentínska ríkisins.
El Palomar er lágfargjaldarflugvöllur sem staðsettur er í miðri höfuðborginni en að sögn
stjórnvalda hafa borist margar kvartanir frá íbúum að undanförnu í kjölfars aukinna
umsvifa lágfargjaldarfélaganna Flybondi og Jetsmart Argentina.
Þar af leiðandi hefur tillaga verið samþykkt um að setja á næturbann við öllum brottförum og
lendingum milli klukkan 23:00 og 6:00 frá og með 9. september næstkomandi.
ANAC, flugmálayfirvöld Argentínu, mótmæla þessari ákvörðun á þeim forsendum
að allar kröfur um hávaðatakmarkanir séu uppfylltar og starfi flugvöllurinn eftir öllum reglugerðum
sem Alþjóðaflugmálastofnuni (ICAO) setur varðandi þau efni.
Sögu El Palomar flugvallarins má rekja aftur til ársins 1910
El Palomar er einn elsti flugvöllur Argentínu en hann hóf starfsemi sína upphaflega
sem herflugvöllur árið 1910 en árið 2017 var hann gerður að þriðja flugvellinum fyrir
Buenos Aires ásamt Ministro Pistarini alþjóðaflugvellinum og Jorge Newbery flugvellinum.
ANAC segir að næturbannið geti raskað starfsemi Flybondi og Jetsmart Argentina sem gæti
haft áhrif á allt að 6.000 farþega í hverri viku sem koma með kvöldflugi til vallarins.
Flybondi segir að lágfargjaldafélög hafi ekki efni á því að láta flugvélar standa og bíða
í 7 klukkustundir á nóttunni og verða slík flugfélög að fljúga á næturnar líka til að halda sama lága verðinu á fargjöldum.
„Þá eru einnig nokkur alþjóðaflug sem geta ekki takmarkast við næturbann eins og flug
frá El Palomar til Asunción í Paragvæ“, segir í tilkynningu frá Flybondi en sveiganlegur
afgreiðslutími allan sólarhringinn á El Palomar flugvellinum var forsenda þess að félagið
valdi þennan flugvöll sem aðalbækistöð er félagið hóf starfsemi sína árið 2018.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.