flugfréttir

EASA setur strangar kröfur áður en 737 MAX flýgur á ný í Evrópu

- Vilja sjá Boeing gera prófanir á 737 MAX með MCAS-kerfið óvirkt

5. september 2019

|

Frétt skrifuð kl. 08:53

Patrick Ky, framkvæmdarstjóri hjá flugöryggisstofnun Evrópu (EASA)

Evrópsk flugmálayfirvöld (EASA) hafa lýst því yfir að farið verði fram á strangar kröfur sem þarf að uppfylla áður en Boeing 737 MAX þotan fær að fljúga á ný í Evrópu og í lofthelginni sem tilheyrir álfunni.

Patrick Ky, forstöðumaður yfir stofnuninni sem hefur yfirhönd með öllu því sem varðar flugöryggismál í Evrópu, kynnti á fundi í Evrópuþinginu sl. þriðjudag þau atriði sem EASA hefur fram að færa varðandi endurkomu Boeing 737 MAX og þær kröfur sem stofnunin setur áður en þotan fær að fljúga aftur í Evrópu.

EASA hefur unnið að sinn eigin úttekt á þeim vanda sem upp kom með Boeing 737 MAX þoturnar í kjölfar tveggja flugslysa og er stofnunin ekki ánægð með það sem Boeing hefur kynnt sem lausn við vandamálinu.

Vandamálið hefur aðallega snúið að kerfi sem nefnist MCAS sem talið er að hafi verið meginorsökin í tveimur flugslysum og hefur Boeing lokið við uppfærslu fyrir hugbúnað sem snýr að því kerfi og er stefnt á að bandarísk flugmálayfirvöld (FAA) muni gefa út vottun fyrir uppfærslunni síðar í haust.

Fara fram á að Boeing geri ítarlegri prófanir áður en þotan fær að fljúga aftur

EASA vill að Boeing geri betur er kemur að hlutverki þeirra skynjara sem nema áfallshorn vélanna og fer stofnunin fram á að flugvélaframleiðandinn framkvæmi ítarlegri flugprófanir til að reyna á stöðugleika vélarinnar í öfgafullum flugham líkt og ef upp koma óeðlilegar aðstæður sem teljast ekki hluti af venjulegri starfrækslu loftfars líkt og í neyðartilvikum.

Á þriðja hundrað nýrra Boeing 737 MAX þotna hafa safnast saman á mismunandi stöðum vestanhafs sem býða þess að verða afhentar til viðskiptavina

Þá fer EASA einnig fram á að Boeing geri ekki aðeins tilraunir með nýju uppfærsluna virka heldur er einnig mælt með að prófanir verði gerðar á vélinni með kerfið óvirkt svo hægt sé að sannreyna stöðugleika og eiginleika þotunnar sjálfrar án kerfisins.

Meðal þess sem Patrick kynnti fyrir á Evrópuþingunu var bréf sem EASA sendi til FAA í apríl þar sem listuð eru fjögur atriði sem stofnunin fer fram á að verði tekin með í reikninginn svo MAX-vélarnar fái að fljúga á ný.

Meðal þess er farið fram á að hönnunarbreytingar verði vottaðar af EASA burt séð frá því hvaða mat FAA leggur á breytingarnar. Þá fer EASA fram á að sjálfstæðar prófanir og skoðanir verði gerðar á stjórnkerfum vélarinnar í heild sinni burt séð frá nýju uppfærslunni.

Bandarísk flugfélög gætu fengi að fljúga 737 MAX á ný á undan evrópskum flugfélögum

Svo gæti farið að þessi niðurstaða eigi eftir að þýða að bandarísk flugfélög geti farið að fljúga Boeing 737 MAX þotunni töluvert fyrr heldur en evrópsk flugfélög en það gæti skapað flóknar aðstæður sem myndi takmarkast við að bandarísk flugfélög gætu þá aðeins notað þotuna í innanlandsflugi ef önnur lönd ákveða að fara eftir kröfum EASA.

Í næstu viku verður komið hálft ár frá því Boeing 737 MAX þoturnar voru kyrrsettar

Í frétt Seattle Times segir að það gæti sett Boeing í neyðarlega stöðu ef Boeing 737 MAX er talin örugg til þess að fljúga á ný vestanhafs en ekki í Evrópu og víðar.

Boeing segir að með nýju uppfærslunni á MCAS-kerfinu munu tveir skynjararnir, sem greina áfallshorn vélarinnar, senda upplýsingar til flugtölvunnar og bera upplýsingarnar saman og virkja viðvörun sem upp kemur í stjórnklefanum ef mismunur er á milli skynjaranna beggja.

EASA segir að tveir skynjarar sé ekki nægileg lausn

Patrick segir að EASA telji það samt ekki sem fullnægjandi lausn á vandamálinu og segir hann að stofnunin vilji sjá að prófanir verði gerðar sem sýni að Boeing 737 MAX sé örugg sem flugvél með eða án MCAS-kerfisins.

Þá segir Patrick að EASA vill sjá Boeing gera prófanir á stöðugleika vélarinnar í beygju á háum flughraða og með miklu áfallshorni án þess að MCAS-kerfi sé virkt og einnig með kerfið óvirkt í prófunum í ofrisi.

Í frétt Seattle Times kemur fram að einhverjir sérfræðingar og hópur þeirra sem þekkja til hafa lýst því sem svo að Boeing hafi þróað hugbúnaðarlausn með MCAS-kerfinu sem einskonar „plástur“ til þess að gera þotunni kleift að halda stöðugleika í vissum flugham þar sem hún er með stærri hreyfla en eldri tegundir Boeing 737 þotna.

Höfuðstöðvar EASA í Brussel

Stærri hreyflar kröfðust þess að þeir yrðu þá staðsettir framar á vængnum sem færir þyngdarpunkt vélarinnar framar sem breytir eiginleika vélarinnar í flugtaki en til að fyrirbyggja að vélin fari í ofris í flugtaksham var ákveðið að þróa kerfi sem myndi ýta nefi vélarinnar sjálfkrafa niður á við ef áfallshornið verður of mikið sem er megintilgangur MCAS-kerfisins.

Bandarísk flugmálayfirvöld hafa ekki viljað tjáð sig um það hvort að kröfur EASA séu strangari en þeirra kröfur er kemur að því að gefa Boeing 737 MAX grænt ljós en í yfirlýsingu frá FAA segir að flugmálayfirvöld í hverju landi fyrir sig munu taka sína eigin ákvörðun varðandi starfrækslu þotunnar er kemur að því að votta hana á ný.

Aðili sem starfar innan FAA, sem vildi ekki koma fram undir nafni, segir að stofnunin hafi lagt gríðarlega vinnu að undanförnu í að votta MAX-vélarnar á ný og hafa aðilar og starfsmenn FAA „fínkembt“ öll tiljeyrandi kerfi svo ítarlega að slík vinna og vandvirkni hafi hafi aldrei áður átt sér stað innan stofnunarinnar.







  fréttir af handahófi

2 milljóna króna sekt fyrir að kasta klinki inn í þotuhreyfil

2. janúar 2020

|

Kínverskur karlmaður á þrítugsaldri, sem var farþegi í innanlandsflugi í Kína í fyrra, hefur verið dæmdur til þess að greiða sekt upp á 2 milljónir króna eftir að hann kastaði klinki inn í þotuhreyfi

Gætu misst flugrekstarleyfið vegna seinkana á greiðslu launa

29. nóvember 2019

|

Flugmálayfirvöld í Hong Kong íhuga nú að svipta flugfélaginu Hong Kong Airlines flugrekstarleyfinu eftir að félagið tilkynnti að það muni seinka launagreiðslum til starfsmanna vegna slæmrar afkomu s

Brandenburg-flugvöllurinn í Berlín opnar 31. október 2020

2. desember 2019

|

Ný dagsetning hefur verið tilkynnt varðandi langþráða opnun Brandenburg-flugvallarins í Berlín og stendur til að flugvölluinn opni loksins 31. október á næsta ári.

  Nýjustu flugfréttirnar

Þota fór yfir dráttarbeisli í lendingu sem lá á brautinni

23. janúar 2020

|

Bresk flugmálayfirvöld hafa rannsakað atvik sem átti sér stað í ágúst í fyrra er farþegaþota af gerðinni Embraer ERJ-145 frá skoska flugfélaginu Loganair fór yfir dráttarbeisli í lendingu sem lá á fl

Klæðning losnaði af í flugtaki

22. janúar 2020

|

Farþegaþota af gerðinni Boeing 737-800 frá ástralska flugfélaginu Virgin Australia þurfti að snúa við til Brisbane skömmu eftir flugtak eftir að farþegar tilkynntu áhöfninni um að eitthvað væri að lo

Bresk flugfélög gagnrýna aðstoð breska ríkisins vegna Flybe

22. janúar 2020

|

Yfirmenn og forstjórar nokkurra breskra flugfélag hafa harðlega gagnrýnt aðgerðir breskra stjórnvalda sem ákváðu að bjargra rekstri lágfargjaldaflugfélagsins Flybe með því að lækka farþegaskatta og f

Fimm flugfélög bjóðast til að aðstoða Malaysian Airlines

22. janúar 2020

|

Ríkisstjórnin í Malasíu segir að fimm tilboð hafa borist frá flugfélögum sem hafa boðið aðstoð sína við að koma rekstri flugfélaginu Malaysian Airlines á réttan kjöl.

Spá því að árið 2020 í fluginu muni einkennast af ókyrrð

21. janúar 2020

|

Írska flugvélaleigan Avolon spáir því að ókyrrð muni ríkja í flugiðnaðinum á þessu ári sem orsakast sérstaklega vegna óvissu í stjórnmálum í heiminum og meðal annars vegna áhyggja fólks út af umhverf

Fjórir grunnskólakennarar höfða mál gegn Delta Air Lines

20. janúar 2020

|

Fjórir grunnskólakennarar í Los Angeles hafa ákveðið að höfða mál gegn bandaríska flugfélaginu Delta Air Lines eftir atvik sem átti sér stað þar sem farþegaþota frá félaginu losaði sig við eldsneyti y

Fá ekki að nota Boeing 737-500 þotur í flugi til Bandaríkjanna

20. janúar 2020

|

Bandarísk flugmálayfirvöld (FAA) hafa bannað Bahamsair, ríkisflugfélaginu á Bahamaeyjum, að fljúga inn í bandaríska lofthelgi með þeim þremur Boeing 737-500 þotum sem félagið hefur í flotanum.

Flugþjónn féll frá borði á þotu hjá Finnair

20. janúar 2020

|

Flugþjónn hjá flugfélaginu Finnair slasaðist er hann féll frá borði á farþegaþotu á flugvellinum í Helsinki á dögunum.

Með sárt ennið eftir að flugskóli í Kanada hætti starfsemi

20. janúar 2020

|

Tugi flugnema við flugskólann Ottawa Aviation Services í Kanada sitja nú eftir með sárt ennið eftir að flugskólinn neyddist til þess að hætta starfsemi sinni skyndilega.

Tengdi PlayStation við upplýsingaskjá í flugstöðinni

20. janúar 2020

|

Flugfarþegi, sem var að spila tölvuleik á meðan hann beið eftir flugi á flugvellinum í Portland í Oregon í Bandaríkjunum á dögunum, gerði sér lítið fyrir og tengdi PlayStation tölvuna við upplýsingask

 síðustu atvik

  2019-01-01 20:20:00