flugfréttir
Aigle Azur hættir starfsemi og aflýsir öllu flugi
- Annað stærsta flugfélag Frakklands á leið í gjaldþrot
Airbus A320 þota franska flugfélagsins Aigle Azur
Annað stærsta flugfélag Frakklands og það næstelsta, Aigle Azur, hefur ákveðið að hætta allri starfsemi sinni frá og með morgundeginum 7. september en þetta kemur í kjölfar yfirlýsingar frá félaginu sem óskaði eftir því í vikunni að verða tekið til gjaldþrotaskipta.
Stjórn félagsins vonaðist eftir því að fá yfirtökutilboð frá öðru flugfélagi en ákveðið hafi verið í samráði við frönsk yfirvöld að félagið myndi fella niður allt flug og hætta starfsemi.
Í yfirlýsingu frá félaginu kemur fram að fjárhagsstaða Aigle Azur sé mjög slæm vegna rekstrarerfiðleika og hafi verið ákveðið að leggja árar í bát.
Sögu Aigle Azur má rekja 73 ár aftur í tímann en félagið var stofnað árið 1946
sem gerir félagið eitt það elsta af þeim flugfélögum sem starfrækt eru í Frakklandi
en Air France er eina franska flugfélagið sem er eldra en það félag var stofnað árið
1933.
Aigle Azur hefur á síðustu árum tekið við nýjum þotum og var félagið
búið að færa út kvíarnar með nýjum áfangastöðum í Rússlandi, Líbanon og
Senegal en flestir áfangaastaðir félagsins voru í Alsír.
Félagið hefur hinsvegar verið rekið með tapi frá árinu 2012 og í seinustu viku
fór verulega að halla undan rekstri þess og sviptingar urðu í stjórn félagsins eftir
að framkvæmdarstjórinn sagði af sér.
Reynt var að freista þess að fá önnur flugfélög til að taka yfir rekstur Aigle Azur
og var sagt að breska flugfélagasamsteypan IAG, móðurfélag British Airways, og Air France-KLM hafi sýnt félaginu áhuga en viðræður hafa ekki náð fram að ganga
á sama tíma og rekstrarfé félagsins er á þrotum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.