flugfréttir

WOW air á að fljúga á ný strax í næsta mánuði

- Michele Ballarin kynnir áform um endurkomu WOW air á blaðamannafundi

6. september 2019

|

Frétt skrifuð kl. 14:35

Tæpt hálft ár er liðið frá því að WOW air hvarf af flugmarkaðnum. Ballarin segir að hún finni fyrir því að fólk sakni fjólubláu flugvélanna

Til stendur að koma rekstri WOW air aftur í gang í október. Þetta er meðal þess sem kom fram á blaðamannafundi sem haldinn var á Grillinu á Hótel Sögu skömmu eftir hádegi í dag þar sem bandaríska viðskiptakonan, Michele Ballarin, kynnti áform um endurkomu WOW air.

Michele Ballarin er stjórnarformaður fyrirtækisins USAerospace Associates LLC en hún tilkynnti að búið sé að ganga frá kaupsamningi á þrotabúi WOW air auk þess sem fyrirtækið mun eignast vörumerki WOW air.

Meðal þess sem fram kom á blaðamannafundinum var áætlanir um að hið nýja félag muni bæði hafa farþegaþotur frá Airbus og Boeing í flotanum og verður farið hægt af stað með tvær þotur til að byrja með sem hefja flug milli Keflavíkurflugvallar og Washington í október og er nær dregur sumrinu 2020 er stefnt að því að fjórar þotur verði komnar í flotann.

Þá kemur fram að ekki verði stofnað nýtt flugfélag þar sem félagið mun byggja á gamla WOW air sem gerir ferlið auðveldara samanborðið við stofnun á nýju flugfélagi.

Bandaríska viðskiptakonan Michele Ballarin á blaðamannafundi klukkan 13:00 í dag á Grillinu á Hótel Sögu / Skjáskot: ruv.is

Höfuðstöðvar félagsins verða á Dulles-flugvellinum í Washington en með aðstöðu á Keflavíkurflugvelli og skrifstofur í Reykjavík. Ekki kemur fram hversu margir starfsmenn munu starfa hjá félaginu eða hversu margir af fyrrverandi starfsmönnum WOW air verða ráðnir til félagsins.

Ballarin vildi ekki greina frá kaupeverðinu í þrotabúinu en tók fram að fyrirtækið væri mjög fjársterkt með engar skuldir á bakinu og yrði félagið rekið með eigið fé frá USAerospace.

Meðal annarra aðila sem verða í stjórn félagsins er Charles Celli, rekstrarstjóri USAerospace, en hann hefur meðal annars gengt stjórnunarstöðu hjá Boeing, McDonnell Douglas og Gulfstream Aerospace Corporation.

WOW air varð gjaldþrota að morgni 28. mars í vor og eru því tæpir sex mánuðir frá því að félagið hvarf af íslenskum flugmarkaði en við það dróst sætaframboð til Íslands saman um 28 prósent.







  fréttir af handahófi

Stofnandi easyJet býður verðlaunafé fyrir uppljóstrara

13. maí 2020

|

Stelios Haji-loannou, stofnandi easyJet, hefur ákveðið að bjóða verðlaunafé upp á 5 milljónir Sterlingspunda, sem samsvarar 897 milljónum króna, til þess aðila eða „uppljóstrara“ sem lumar á viðkvæmu

SAS mun taka 10 þotur til viðbótar í flotann úr geymslu

16. júní 2020

|

Scandinavian Airlines (SAS) ætlar að taka inn tíu farþegaþotur í flotann til viðbótar í júli úr geymslu þar sem til stendur að fjölga flugferðum enn frekar eftir COVID-19 heimsfaraldurinn.

Panta 100 flugvélar frá COMAC

12. júní 2020

|

Kínverski flugvélaframleiðandinn COMAC hefur gert samkomulag við kínverskt flugfélag sem hyggst leggja inn pöntun í 100 þotur af gerðinni ARJ21 og C919.

  Nýjustu flugfréttirnar

CityJet bjargað frá gjaldþroti

7. ágúst 2020

|

Írska flugfélagið CityJet mun að öllum líkindum sleppa við gjaldþrot þar sem flest bendir til þess að dómstóll á Írlandi ætli að samþykkja aðgerðir til þess að bjarga félaginu.

Nýtt flugfélag stefnir á að leigja yfir 20 Airbus-þotur

7. ágúst 2020

|

Nýtt flugfélag í Bandaríkjunum stefnir á að hefja áætlunarflug innan skamms og er undirbúningur þess í fullum gangi.

Tigerair Australia hættir starfsemi

7. ágúst 2020

|

Ástralska lágfargjaldafélagið Tigerair Australia hefur hætt starfsemi sinni en móðurfélag þess, Virgin Australia, tilkynnti sl. miðvikudag að ákvörðun hafi verið tekin um að binda endi á starfsemi fé

Boeing 747 rakst með þrjá hreyfla ofan í braut í lendingu

7. ágúst 2020

|

Júmbó-fraktþota af gerðinni Boeing 747-400 rakst með þrjá hreyfla ofan í flugbraut í lendingu á Pudong-flugvellinum í Shanghai á dögunum.

Þrjú þúsund milljarðar til bandarískra flugfélaga

6. ágúst 2020

|

Bandaríska þingið ætlar að afgreiða 25 milljarða dala björgunarpakka fyrir flugiðnaðinn í Bandaríkjunum sem þýðir að bandarísk flugfélög eiga von á styrk upp á yfir 3.390 milljarða króna svo hægt sé

Helmingur farþega sótti farangur við neyðarrýmingu

6. ágúst 2020

|

Tafir urðu á því að hægt var að rýma farþegaþotu á Stansted-flugvellinum í London í fyrra er upp kom neyðarástand vegna fjölda farþega sem eyddu tíma í að sækja handfarangur sinn.

Lufthansa Group mun taka yfir 60 flugvélar úr flotanum

6. ágúst 2020

|

Lufthansa Group hefur tilkynnt afkomu sína eftir annan ársfjórðung þessa ársins og kemur fram að taprekstur félagsins nam 2 milljörðum Bandaríkjadala sem samsvarar 271 milljarði króna.

Virgin Atlantic sækir um gjaldþrotavernd

5. ágúst 2020

|

Breska flugfélagið Virgin Atlantic Airways hefur sótt um gjaldþrotavernd og greiðslustöðun fyrir dómstóli í New York í Bandaríkjunum en fram kemur að rekstarfé flugfélagsins mun að öðru leyti verða

Yfir 200 flugvirkjanemar hefja nám hjá Lufthansa Technik

4. ágúst 2020

|

Þrátt fyrir að ein mesta krísa sem um getur sé nú að dynja á flugiðnaðinum þá horfir fyrirtækið Lufthansa Technik, viðhaldsfyrirtæki Lufthansa Group, til framtíðar og hefja um 240 ungir flugvirkjane

Ofhlaðin flugvél af fíkniefnum brotlenti í flugtaki

4. ágúst 2020

|

Lítil tveggja hreyfla flugvél af gerðinni Cessna 402 brotlenti í flugtaki í Papúa Nýju-Gíneu í síðustu viku en í ljós kom að flugvélin var ofhlaðin af fíkniefnum sem reynt var að smygla yfir til Ástr

 síðustu atvik

  2019-01-01 20:20:00