flugfréttir

Flugvél snúið við vegna rifrildis um farsímanotkun fyrir flugtak

- Lögregla fjarlægði báða farþegana frá borði við komuna til Sydney

9. september 2019

|

Frétt skrifuð kl. 08:42

De Havilland Dash 8 Q400 flugvél frá QantasLink

Farþegaflugvél af gerðinni De Havilland Dash 8 Q400 frá QantasLink, sem var í innanlandsflugi í morgun í Ástralíu, þurfti að snúa við aftur til Sydney vegna deilna sem komu upp milli tveggja farþega um farsímanotkun hjá öðrum þeirra.

Flugvélin fór í loftið frá flugvellinum í Sydney kl. 4:52 í nótt að íslenskum tíma áleiðis til höfuðborgarinnar Canberra en í flugtakinu var einn farþegi sem var að senda skilaboð úr farsíma sínum á meðan vélin var að aka í átt að flugbrautinni rétt fyrir flugtak en það féll ekki vel í geðið hjá einum farþega sem sat við hlið hans.

Sá farþegi fór að skipta sér af skilaboðasendingum hjá sessunautnum og sagði honum að farsímanotkunin ógnaði flugöryggi og skömmu síðar spruttu upp miklar deilur milli þeirra.

Farþegunum tveimur varð það heitt í hamsi í deilunum að flugfreyjur tilkynntu flugmönnunum um ástandið aftur í vélinni og ákvað flugstjórinn að snúa við til Sydney skömmu eftir flugtak.

Lögregla beið farþeganna við komuna og voru báðir farþegarnir fluttir úr vélinni og var farið með þá niður á lögreglustöð þar sem þeir voru yfirheyrðir.

Tveggja tíma seinkun varð á fluginu en flugvélin gat ekki farið strax aftur í loftið eftir að búið var að fjarlægja farþegana vegna hvassviðris á flugvellinum í Sydney.

Flugvélar QantasLink koma ekki með þráðlausu interneti líkt og þær Boeing 737 þotur sem Qantas notar í innanlandsfluginu og er ætlast til þess að farþegar setji farsíma sína á flugstillingu áður en vélinni er ýtt frá brottfararhliði.







  fréttir af handahófi

Farþegaþota lendir í fyrsta sinn á nýja Gagarin-flugvellinum

19. ágúst 2019

|

Farþegaþota lenti í fyrsta sinn í gær á Gagarin-flugvellinum, sem er nýjasti alþjóðaflugvöllur Rússlands, staðsettur í borginni Saratov, tveimur dögum áður en hann verður formlega tekinn í notkun á

Fær reikning upp á 13 milljónir vegna dólgsláta um borð

18. júlí 2019

|

Annar flugdólgur hefur nú fengið himinháan reikning í bakið fyrir ósæmilega hegðun um borð í flugvél sem var í þetta skiptið á leið til Tyrklands frá Bretlandi en áhöfn vélarninar neyddist til þess

FAA íhugar að fyrirskipa skoðun á hreyflum á A220

12. september 2019

|

Bandarísk flugmálayfirvöld (FAA) íhuga nú að fara fram á að ítarleg skoðun verði framkvæmd á hreyflum á Airbus A220 (CSeries) þotunum í kjölfar þriggja atvika sem hafa komið upp þar sem slökkva þurf

  Nýjustu flugfréttirnar

Indverjar framkvæma sína eigin úttekt á 737 MAX líkt og EASA

20. september 2019

|

Flugmálayfirvöld á Indlandi ætla að fara að fordæmi Flugöryggisstofnunar Evrópu (EASA) og framkvæma sína eigin úttekt á Boeing 737 MAX þotunum áður en indverskum flugfélögum verður gefið leyfi til þe

Boeing 787 lenti næstum því með hjólin uppi

20. september 2019

|

Litlu munaði að farþegaþota frá Vietnam Airlines hefði lent með hjólabúnaðinn uppi er vélin var í aðflugi að flugvellinum í Melbourne í Ástralíu í gær.

Czech Airlines flýgur frá Keflavík til Köben og áfram til Prag

20. september 2019

|

Fyrir gjaldþrot WOW air voru þrjú flugfélög sem flugu áætlunarflug milli Kaupmannahafnar og Keflavíkurflugvallar en sl. hálfa árið hafa aðeins tvö flugfélög deilt á milli sín fjölförnustu flugleiðinn

Boeing 737 hóf flugtaksbrun á akbraut á Schiphol

19. september 2019

|

Rannsóknarnefnd flugslysa í Hollandi hefur greint frá atviki sem átti sér stað fyrr í þessum mánuði er farþegaþota frá Transavia af gerðinni Boeing 737-800 hóf flugtak á akbraut („taxiway“) á Schiph

Láðist að tilkynna í tvígang um vandamál í hreyfli

18. september 2019

|

Flugmálayfirvöld á Indlandi hafa meinað þremur flugmönnum að fljúga tímabundið og einnig svipt tveimur flugvirkjum réttindum sínum fyrir að hafa ekki tilkynnt um víbring sem kom upp í hreyfli á Airb

Twin Otter með fjóra um borð saknað í Indónesíu

18. september 2019

|

Leit stendur nú yfir að Twin Otter farþegaflugvél af gerðinni Havilland DHC-5-6-400 í Indónesíu sem saknað er en vélin var í innanlandsflugi í nótt og fór í loftið frá flugvellinum í Timiki áleiðis t

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

 síðustu atvik

  2019-01-01 20:20:00