flugfréttir
Lítil flugvél brotlenti við Skálafell
- Einn flugmaður fluttur á sjúkrahús með þyrlu Landhelgisgæslunnar
Leirvogsvatn, sunnan Skálafells, og Mosfellsheiðin / Myndin tengist ekki fréttinni beint
Þyrla Landhelgisgæslunnar var kölluð út núna seinnpartinn í dag eftir að tilkynning barst um að flugvél hefði nauðlent nálægt Skálafelli austan við Esjuna.
Slysið átti sér stað á fjórða tímanum í dag og var um litla eins hreyfils flugvél að ræða en fram kemur að neyðarsendir vélarinnar hafi sent frá sér boð og voru því allir viðbragðsaðilar ræstir út.
Einn flugmaður, sem var sá eini sem var um borð í vélinni, var fluttur á sjúkrahús en fram kemur í fréttum að hann hafi verið búinn
að koma sér frá borði en hann fannst á toppi Skálafells og kom gangandi á móti áhöfn þyrlunnar.
Þyrlan lenti með flugmanninn við Landspítalann í Fossvogi en ekki er vitað um líðan hans að svo stöddu.
Flak vélarinnar ofan á Skálafelli í dag
Í fréttum RÚV kemur fram að eldur hafi komið upp í vélinni og segir að enn logaði í flakinu á fimmta tímanum þegar viðbragðsaðilar komu að því.
Þyrla Landhelgisgæslunnar mun flytja rannsóknarlögreglu og fulltrúa rannsóknarnefndar samgönguslysa upp að slysstað.
Talið er að flugvélin hafi verið af gerðinni Piper PA-18 Super Cub.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.