flugfréttir
Adria Airways er gjaldþrota
- Ríkisstjórn Slóveníu stefnir á stofnun nýs flugfélags sem fyrst
30. september 2019
|
Frétt skrifuð kl. 14:54
Flugvélum Adria Airways höfðu þegar verið lagt
Slóvneska flugfélagið Adria Airways er gjaldþrota en félagið gaf í dag frá sér yfirlýsingu þar sem fram kemur að félagið hafi formlega óskað eftir að verða tekið til gjaldþrotaskipta og hætt flugrekstri.
Adria Airways verður tekið til gjaldþrotaskipta í kjölfar dómsúrskurðar og endar þar með 58 ára saga félagsins
sem var stofnað árið 1961 sem Index-Adria Aviopromet og síðar Inex-Adria Airways.
Zdravko Počivalšek, efnahagsþróunarráðherra Slóveníu, segir að ríkisstjórn landsins stefni á að stofna
nýtt ríkisflugfélag eins fljótt og auðið er til að fylla í skarð Adria Airways svo hægt sé að tryggja samgöngur til og frá landinu en
ráðherrann tekur samt fram að stofnun nýs flugfélags mun taka einhvern tíma.
Rekstur Adria Airways var keyptur af þýska fjárfestingarfyrirtækinu 4K í Munchen árið 2016 en áform
fyrirtækisins til þess að láta flugfélagið vaxa og dafna gengu ekki eftir.
Flugfélagið Adria Airways var mjög virkt á samfélagsmiðlum á borð við Instagram
Síðastliðna viku hefur Adria Airways aflýst 400 flugferðum og aðeins haldið úti áætlunarflugi til Frankfurt en öllu flugi
hefur nú verið aflýst.
Skiptar skoðanir hafa verið meðal þingmanna í ríkistjórn Slóveníu varðandi hvort að ríkið hefði átt að grípa inn í og
bjarga rekstri félagsins en talið var að staða félagsins hafi verið of slæm til að grípa til björgunaraðgerða.
Ekki er enn vitað nákvæmlega hversu miklar skuldir félagsins voru en talið er að þær nemi 8 milljörðum króna.
Félagið átti ekki neinar haldbærar eignir og allar þotur félagsins voru teknar á leigu frá flugvélaleigufyrirtækjum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
