flugfréttir
Einn af gömlu íslensku Fokker 50 eyðilagðist í óhappi í Kenýa
- „Sigdís“ flaug í 24 ár í flota Flugleiða og Flugfélags Íslands
TF-JMS flaug í 24 ár í flota Flugleiða og síðar Flugfélags Íslands áður en hún var seld til Afríku árið 2016
Ein af þeim fjórum Fokker 50 flugvélum, sem Flugfélag Íslands hafði í flota sínum til margra ára, eyðilagðist í dag er hún fór út af braut í flugtaki í Kenýa er hún var í innanlandsflugi fyrir kenýska flugfélagið Silverstone Air Service.
Flugvélin, sem ber skráninguna 5Y-IZO, er mörgum íslendingum minnistæð þar
sem hún var ein af „dísunum“ sem Flugleiðir fengu afhentar nýjar snemma á tíunda áratug síðustu aldar.
Vélin sem skemmdist í dag í Kenýa hét „Sigdís“ en hún kom ný til landsins frá Fokker-verksmiðjunum í Hollandi þann 29. febrúar árið 1992 og fékk skráninguna TF-FIS.
Vélin fór út af braut í flugtaksbruni í morgun á flugvellinum í Nairobi í Kenýa
Flugvélin var í áætlunarflugi á leið frá Nairobi til Mombasa þegar hún sveigði út af brautinni í brautarbruninu og fór vélin í gegnum nokkur tré áður en hún staðnæmdist í moldarjarðvegi.
Farþegi, sem var um borð í vélinni, segir að flugstjórinn hafi tilkynnt um að einhverskonar
vandamál hafi komið upp án þess að gefa nánari útskýringar um hvað kom upp á. Um borð voru fimmtíu farþegar og fimm manna áhöfn og voru að minnsta kosti tveir sem slösuðust en vélin er talin ónýt.
Ein af „Dísunum“ fjórum sem komu til landsins árið 1992
Sigdís (TF-FIS) lendir á Egilsstaðaflugvelli eftir afhendingarflug frá Amsterdam þann 29. febrúar árið 1992
Sigdís var önnur af þeim fjórum Fokker-vélum sem komu nýjar til landsins í innanlandsflota Flugleiða á eftir Ásdísi en síðar komu Freydís og Valdís til landsins.
Árið 1997 var nafni flugfélagsins breytt í Flugfélag Íslands eftir samruna við Flugfélag
Norðurlands og fjórum árum síðar var skráningu Sigdísar breytt í TF-JMS.
TF-JMS á flugsýningunni á Reykjavíkurflugvelli árið 2017 / Ljósmynd: Bergdís Norðdahl
TF-JMS flaug í flota Flugfélagsins undir skráningunni alveg fram til vorsins 2016 en
þá hafði flugfélagið, sem breytti nafni félagsins í Air Iceland Connect, skipt út öllum Fokker 50
vélunum út fyrir nýju Bombardier-vélunum sem félagið notar í dag.
TF-JMS/TF-FIS, sem var 27 ára gömul, þjónaði Íslendingum í heilan aldarfjórðung og því næst í eitt og hálft ár í flota kenýska flugfélagsins Silverstone Air Service.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.