flugfréttir
IndiGo sagt vera að undirbúa pöntun í 300 þotur frá Airbus
- Pöntun sem væri metin á yfir 4 þúsund milljarða króna samkvæmt listaverði
29. október 2019
|
Frétt skrifuð kl. 12:12
Airbus A320 þotur IndiGo Airlines
Indverska flugfélagið IndiGo er sagt vera að undirbúa risapöntun í 300 farþegaþotur úr A320neo fjölskyldunni frá Airbus.
Slík pöntun væri metin á að minnsta kosti 33 milljarða bandaríkjadali sem samsvarar
4.126 milljörðum króna en sérfræðingar í flugiðnaðinum telja að félagið gæti fengið
allt að helmingsafslátt af listaverðinu.
Aðilar, sem eru kunnugir málinu, segja að IndiGo sé að leggja lokahönd á pöntunina
sem á að samanstanda meðal annars af nýju Airbus A321XLR þotunni sem á að koma á markaðinn
árið 2023 en hún verður langdrægasta þota heims í flokki flugvéla sem koma með einum gangi.
Hvorki forsvarsmenn IndiGo né talsmaður Airbus hafa viljað tjá sig um fyrirhugaða pöntun
en hlutabréf í Airbus hækkuðu um 1.4% eftir að Reuters fréttastofan greindi
frá fyrirhugaðri pöntun.
IndiGo er stærsta flugfélag Indlands er kemur að farþegafjölda og flugflota en félagið
hefur 247 flugvélar í flota sínum í dag og á nú þegar von á 372 flugvélum til viðbótar
á næstu árum.
Ef af þessari pöntun verður gæti verið um stærstu flugvélapöntun að ræða í sögunni þar sem
allar flugvélarnar fara í flota hjá einu flugfélagi en fyrir tveimur árum síðan lagði bandaríska
fyrirtækið Indigo Partners inn pöntun til Airbus í 430 þotur en sú pöntun var ætluð
fjórum mismunandi flugfélögum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
