flugfréttir
Leyfðu farþega að stýra flugvél í innanlandsflugi í Rússlandi
- Flugmennirnir leyfðu stúlkunni að prófa að stýra 44 sæta Antonov An-24
4. nóvember 2019
|
Frétt skrifuð kl. 07:54
Skjáskot af myndbandinu sem var sett á Youtube um helgina
Flugmálayfirvöld í Rússlandi rannsaka nú atvik sem átti sér stað á dögunum er ungri konu var leyft að prófa að taka í stýrið og fljúga flugvél sem var í innanlandsflugi í Rússlandi.
Myndband á Youtube, sem fór í dreifingu sl. laugardag, sýnir hvar ung kona á þrítugsaldri situr í sæti aðstoðarflugmannsins en flugmennirnir hleyptu henni inn í stjórnklefa á Antonov An-24 flugvél, sem tekur hátt í 50 farþega, hjá rússneska flugfélaginu IrAero, og leyfðu henni að stýra vélinni í smástund.
Stúlkan setti myndir af sér á Instagram eftir flugið þar
sem hún skrifaði „Þetta var alveg ótrúlega skemmtilegt“
Nokkrar ábendingar um atvikið var komið á framfæri og þar á meðal til rússnesku fréttastöðvarinnar rkt.ru sem fjallaði fyrst um málið.
Í frétt The Siberian Times kemur fram að heyra má annan flugmanninn leiðbeina henni á meðan vélin var í
farflugshæð frá borginni Yakutsk til Batagai í Síberíu.
Talsmaður IrAero segist efast um að myndbandið hafi nokkuð með starfsemi flugfélagsins
að gera en atvikið á að hafa átt sér stað þann 31. ágúst sl.
Stúlkan á myndbandinu hafði einnig látið taka nokkrar myndir af sér stýra vélinni, sem hún
setti á Instagram-reikning sinn en myndunum hefur verið eytt í dag. Myndbandið er hinsvegar
enn á Netinu og hefur rússnesk sjónvarpsstöð heimildir fyrir því að stúlkan sé unnusta aðstoðarflugmannsins.
IrAero er rússneskt flugfélag sem var stofnað árið 1999 og flýgur félagið bæði farþegaflug og
fraktflug í innanlandsflugi auk til áfangastaða í Kína, Azerbaijan, Kazakhstan, Mongólíu og víðar.
Félagið hefur 31 flugvél í flotanum af gerðinni Antonov An-24, An-26, Boeing 777-200ER,
Bombardier CRJ200 auk Sukhoi Superjet SSJ100 þotna.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
