flugfréttir
Í flestum tilvikum ná flugmenn ekki að koma auga á dróna
- Sérstaklega erfitt að sjá dróna sem er ekki á hreyfingu
Talið er að í 30 prósent tilvika ná flugmenn að koma auga á dróna í aðflugi að flugbraut
Mjög erfitt er fyrir reynda flugmenn að koma auga á dróna sem er nálægt lokastefnu að flugbraut og undir flestum kringumstæðum er erfiðara að koma auga á dróna sem er hreyfingarlaus í loftinu.
Þetta er niðurstaðar nýrrar rannsóknar þar sem mannleg geta nokkurra flugmanna, sem tóku
þátt í rannsókninni, til að koma auga á dróna úr stjórnklefanum, var rannsökuð.
Í 28 tilfellum af fjörutíu náðu flugmennirnir ekki að koma auga á dróna sem var vísvitandi
flogið nálægt flugvelli í tengslum við rannsóknina sem gerð var í samvinnu við
háskólann í Oklakoma-fylki og Embry-Riddle flugskólann.
Þetta þýðir að í tólf skipti komu flugmennirnir auga á drónann sem var notaður en honum var
flogið lægst í 213 fetum yfir jörð og allt upp í 2.300 fet á meðan flugmenn flugu flugvél af gerðinni
Cessna 172 í átt að flugbraut og var þeim sagt að mögulega gæti verið dróni í aðflugslínunni.
Í nýjasta hefti International Journal of Aviation, Aeronautics, and Aerospace segir að þetta endurspegli þá hættu sem stafar af drónum
sem er flogið nálægt flugvöllum. „Hættulega mikil nálægð milli flugvéla og dróna er vaxandi
vandamál og fjöldi atvika, þar sem flugmenn tilkynna um dróna, hækkar sífellt milli ára“, segir
Dr. Ryan J. Wallace, aðstoðarprófessor við Embry-Riddle.
Ef horft er á myndbandið að neðan má sjá að næstum ómögulegt er að koma auga á drónann
Þá kemur fram að flugmaður sem kemur auga á dróna í 2.300 feta fjarlægð hefur aðeins 20
sekúndur til þess að bregðast við til að forðast árekstur.
„Þetta er enn hættulegra ef dróninn er á ferð og stefnir í átt að flugvélinni en ef hann er kyrr
þá eru minni líkur á að flugmaður kemur auga á hann þar sem að hann fellur inn í bakgrunninn
og landslagið“.
Jon M. Loffi, prófessor við háskólann í Oklahoma, segir að mikil hætta sé á ferðum ef dróni
fer inn í hreyfil á flugvél í þessari hæð þar sem þá er hún að koma inn til lendingar
með lítið afl á hreyflunum og tími til að bregðast við er lítill og breytingar á hraða og stefnu
getur verið stórhættuleg aðgerð.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.