flugfréttir

Benda á ný vandamál með 737 MAX og Dreamliner

- Tveir bandarískir þingmenn krefjast svara frá FAA

8. nóvember 2019

|

Frétt skrifuð kl. 07:54

Dreamliner-þota í samsetningu í samsetningarsal Boeing í Norður-Karólínu

Tveir bandarískir demókratar innan bandaríska þingsins hafa sent bandarískum flugmálayfirvöldum (FAA) bréf þar sem þeir spyrjast fyrir um tvö ný atriði sem þeir gagnrýna stofnuna fyrir og telja að um alvarleg vandamál að ræða en þau tengjast þó ekki kyrrsetningu Boeing 737 MAX vélanna.

Um er að ræða vandamál sem snýr að vírum sem tengjast hliðarstýrinu á Boeing 737 MAX vélunum og eldingarvara fyrir eldsneytistanka á Dreamliner-þotunum.

Þeir sem sendu bréfið til FAA er demókratinn Peter DeFazio, sem fer fyrir samgöngu- og innviðadeild bandaríska þingsins og Rick Larsen, sem er yfirmaður yfir undirdeild þingsins sem snýr að flugmálum.

Vilja vita hversvegna FAA hlustaði ekki á sína eigin sérfræðingar

Í bréfi sem þeir sendu til Steve Dickson, yfirmanns FAA, spyrjast þeir fyrir um hversvegna álit sérfræðings innan FAA varðandi þessi tvö vandamál voru hundsuð og hversvegna ekkert var aðhafst í málinu.

Peter DeFazio krefst svara rá bandarískum flugmálayfirvöldum (FAA)
í bréfi sínu til stofnunarinnar

Þá vekur þetta upp spurningar varðandi verkferla FAA sem á að sjá til þess að fylgjast með öryggismálum í þróunar- og framleiðsluferli á nýjum flugvélum en FAA hefur þegar verið gagnrýnt á þessu ári varðandi vottunarferlið varðandi Boeing 737 MAX og einnig fyrir að hafa látið vottun og eftirlitsmál í hendurnar á framleiðandanum sjálfum.

Telja að eldingarvörn í eldsneytistönkum á Dreamliner sé ekki örugg

Gordon Johndroe, talsmaður Boeing, segir að framleiðandinn sé meðvitaður um þessi tvö vandamál sem bandaríska þingið hefur komið með fram í dagsljósið en þingmennirnir segjast hafa gögn undir höndunum þar sem Boeing fór fram á að hönnunarbreytingar yrðu gerðar á eldingarvara í tönkum á Boeing 787 en FAA hafði ítrekað hafnað þeim breytingum.

Þá segir að Boeing hafi þrátt fyrir þetta framleitt að minnsta kosti 40 Dreamliner-þotur þótt að leyfið fyrir breytingunum hafði ekki fengið grænt ljós frá FAA.

Peter DeFazio segir að FAA hafi gefið eftir í báðum tilvikunum og leyft Boeing að gera hlutina eftir sínu höfði

Fram kemur að sérfræðingar frá FAA komust að því að Boeing hafði fjarlægt koparfilmu af hluta á svæði á vængjum á Dreamliner-vélunum en filman á að leiða eldingu frá eldsneytistönkum í vængjum vélanna en án hennar eru vængirnir mun móttækilegri fyrir því ef eldingu slær niður sem skapar eldhættu gagnvart eldsneytinu í tönkunum.

Boeing fór fram á breytingar á koparfilmunni en FAA hafnaði þeim breytingum og áfrýjaði Boeing þeirri niðurstöðu þangað til að FAA breytti ákvörðun sinni og gaf grænt ljós á breytingarnar en fram kemur að minnsta kosti sex sérfræðingar innan FAA mótmæltu því harðlega að stofnunin þeirra myndi gefa eftir og leyfa Boeing að framkvæma breytingarnar.

Varðar vörn sem snýr að hliðarstýri á Boeing 737 MAX

Vandamálið sem snýr að Boeing 737 MAX varðar sérstaka vörn sem ver kapla, sem tengjast hliðarstýrinu á Boeing 737 MAX, frá því að verða fyrir braki ef upp kemur sprenging í hreyfli vegna bilunar með þeim afleiðingum að brakið fer út úr hreyflinum sjálfum.

Vísað er í bréf frá bandarískum flugmálayfirvöldum sem skrifað var til Boeing árið 2014 þar sem fram kom að framleiðandinn hafði ekki fullnægt kröfum yfirvalda varðandi þessa vörn í hliðarstýrinu sem sem krafist var í kjölfar flugslyss sem átti sér stað árið 1989 er þota af gerðinni McDonnell Douglas DC-10 fórst yfir Iowa í Bandaríkjunum sem mátti rekja til sprengingar í hreyfli sem olli skemmdum á vökvakerfi vélarinnar með þeim afleðingum að flugmennirnir misstu stjórn á vélinni.

Fram kemur að Boeing hafi mótmælt þessari beiðni varðandi Boeing 737 MAX á þeim forsendum að hún væri mjög ópraktísk og voru talin upp nokkrar forsendur þess að framleiðandinn taldi þess ekki þörf.

Steve Dickson, yfirmaður bandarískra flugmálayfirvalda (FAA)

„Bæði þessi atriði virðast vera mjög alvarleg og veldur okkur áhyggjum sem og vekur upp spurningar hvernig FAA metur mikilvægi öryggisatriða sem eftirlitsaðili“, segir í bréfinu.

FAA fundaði um málið á sínum tíma er Boeing neitaði að verða við ósk þeirra varðandi breytingar á vörninni á hliðarstýrinu og var komist að þeirri niðurstöðu að flugmálayfirvöld hefði ekki nægilegar upplýsingar frá Boeing til að meta hvort að kerfið uppfyllti kröfur þeirra.

Þá segir í bréfinu frá þingmönnunum að þrátt fyrir þetta fékk Boeing 737 MAX flughæfnisvottun árið 2017.

Að lokum er Dickson, yfirmaður FAA, spurður að því hversvegna stofnunin breytti ákvörðun sinni þrátt fyrir að starfsmenn og sérfræðingar, er kemur að málinu er varðar Boeing 737 MAX, andmæltu því harðlega. Dickson hefur frest til 21. nóvember til að svara bréfi þingmannanna.







  fréttir af handahófi

„Alþjóðleg samstaða lykillinn að endurkomu Boeing 737 MAX“

11. desember 2019

|

Níu mánuðir verða bráðum liðnir frá því að Boeing 737 MAX þoturnar voru kyrrsettar í mars á þessu ári en enn er ekki komin nein dagsetning varðandi hvenær þær geta farið að fljúga aftur.

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Mitsubishi Aircraft missir pöntun í 50 SpaceJet-þotur

4. nóvember 2019

|

Mitsubishi Aircraft Corporation hefur misst risapöntun sem bandaríska fyrirtækið Trans States Holding lagði inn árið 2009 í 50 þotur af gerðinni Mitsubishi SpaceJet (áður MRJ).

  Nýjustu flugfréttirnar

Svartsýnn á að Ryanair geti flogið 737 MAX næsta sumar

11. desember 2019

|

Sú staða gæti komið upp að Boeing 737 MAX þoturnar verði ekki farnar að fljúga á ný innan Evrópu fyrir sumarið 2020 þrátt fyrir að þær verði byrjaðar að fljúga aftur í áætlunarflugi vestanhafs.

El Al stefnir á tilraunir með beint flug til Ástralíu

10. desember 2019

|

Ísraelska flugfélagið El Al Israel Airlines ætlar að framkvæma þrjú tilraunaflug á næsta ári til Melbourne í þeim tilgangi að athuga hvort að grundvöllur sé fyrir því að hefja beint áætlunarflug til

Herflugvél með 38 um borð hvarf af ratsjá yfir Suður-Íshafi

10. desember 2019

|

Herflutningaflugvélar af gerðinni Lockheed C-130H Hercules, frá flughernum í Chile með 38 manns um borð, er saknað eftir að hún hvarf af ratsjá í gærkvöldi yfir Suður-Íshafi, mitt á milli syðsta odda

SAS aftur orðið stærsta flugfélagið á Norðurlöndum

9. desember 2019

|

SAS er aftur orðið stærsta flugfélagið á Norðurlöndum í kjölfar samdráttar hjá Norwegian en flugfélagið norska hrifsaði þann titil af SAS í janúar árið 2017.

SAS mun hætta að fljúga á Narita-flugvöll í Tókýó

9. desember 2019

|

SAS (Scandinavian Airlines) mun á næsta ári hætta að fljúga á Narita-flugvöllinn í Tókýó þar sem til stendur að félagið muni færa sig yfir á Haneda-flugvöllinn sem er sá næststærsti í borginni.

Fréttaþyrla í árekstri við dróna

9. desember 2019

|

Þyrla frá fréttastöðinni KABC-TV í Bandaríkjunum lenti í árekstri við dróna í síðustu viku er þyrlan var á flugi yfir miðborg Los Angeles.

Lokaskýrsla vegna flugslyss sunnan Hafnafjarðar árið 2015

8. desember 2019

|

Rannsóknardeild samgönguslysa (RNSA) hefur gefið út lokaskýrslu er varðar flugslys sem átti sér stað þann 12. nóvember árið 2015 er kennsluflugvél af gerðinni Tecnam P2002JF brotlenti í æfingarsvæði í

Fjórir ölvaðir flugmenn teknir hjá SpiceJet á 5 dögum

6. desember 2019

|

Fjórir ölvaðir flugmenn hjá indverska flugfélaginu SpiceJet hafa verið stöðvaðir á sl. fimm dögum þar sem þeir féllu á áfengisprófi er þeir mættu til vinnu í stjórnklefann á leið í áætlunarflug.

Qantas flýgur síðasta júmbó-þotuflugið til Bandaríkjanna

6. desember 2019

|

Qantas flaug sl. miðvikudag síðasta júmbó-þotuflugið sitt til Bandaríkjanna sem var áætlunarflug frá San Francisco til Sydney en héðan í frá verður það flug flogið með Dreamliner-þotum.

Flugmenn hjá IndiGo varaðir við að nota fullt afl í flugtaki

5. desember 2019

|

Indverska flugfélagið IndiGo hefur gefið út viðvörun til flugmanna sinna þar sem þeir eru varaðir við því að setja hámarks afl á hreyflana á nýju Airbus A320neo þotum félagsins í flugtaki og í klifri