flugfréttir
FAA lætur loka fyrirtæki sem seldi skynjara fyrir 737 MAX
- Xtra Aviation varð Lion Air út um áfallshornsskynjara sem reyndist gallaður
11. nóvember 2019
|
Frétt skrifuð kl. 15:05
Höfuðstöðvar Xtra Aviation í Miramar í Flórída
Bandarísk flugmálayfirvöld (FAA) hafa látið loka fyrir starfsemi bandaríska fyrirtækisins Xtra Aviation, fyrirtækið sem seldi áfallshornsskynjara fyrir Boeing 737 MAX þoturnar og þar á meðal til indónesíska flugfélagsins Lion Air en 737 MAX þotan sem fórst í október í fyrra hafði skynjara frá því fyrirtæki.
FAA gaf út fyrirmæli þann 25. október sl. að starfsemi Xtra Aviation yrði stöðvuð en fyrirtækið
hefur höfuðstöðvar í Miramar í Flórída og sá fyrirtækið meðal annars um viðgerðir og vottun
á notuðum áfallshornsskynjurum.
Skynjararnir eru staðsettir á hliðinni á nefi á farþegaflugvélum og nema þeir hallann á horni sem nefnist áfallshorn („angle of attack“ á ensku) sem segir til um hversu mikið horn er á milli stefnu
á loftflæði frá vindinum miðað við vænglínu en þeim mun stærra
sem hornið er, þeim mun meira nálgast flugvél þann stað þar sem hún gæti lent í að ofrísa.
Skýringarteikning sem sýnir skynjarann á Boeing 737 MAX
Samkvæmt lokaskýrslu frá indónesískum flugmálayfirvöldum varðandi flugslysið hjá Lion Air, sem
var fyrra flugslysið með Boeing 737 MAX, kemur fram að áfallshornsskynjarinn sem Xtra Aviation
lét Lion Air fá var ekki rétt stilltur og skeikaði skekkjan um heilar 21 gráðu sem gerði flugvélina
óstöðuga.
Þar af leiðandi brást Xtra Aviation skyldum sínum og uppfyllti ekki kröfur flugmálayfirvalda varðandi
viðgerð og sölu á íhluti sem spilar stórt hlutverk í flugöryggi en starfsemi félagsins var fljótt komin
undir smásjá eftir að rannsókn á slysinu hófst í nóvember árið 2018.
Við rannsókn kom í ljós að fyrirtækið hafði frá nóvember árið 2009 til maí 2019 ekki haldið
nægilega góðar skýrslur varðandi starfsemina samkvæmt reglum sem viðgerðar- og dreifingaraðili
á varahlutum þarf að uppfylla og þá hafði fyrirtækið ekki nægilega góða aðstöðu til þess að prófa
íhluti og þjálfun starfsfólksins var ábótvant.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
