flugfréttir
Meðvindur og slæm bremsa orsök þess að þota rann út af
- Fór út af braut eftir lendingu á O´Hare-flugvellinum í Chicago
Flugvélin var að yfirgefa brautina eftir lendingu og halda inn á akbraut þegar hún rann til hliðanna og fór út af
Flest bendir til þess að meðvindur í lendingu og slæm bremsuskilyrði hafi verið orsök þess að farþegaþota af gerðinni Embraer ERJ-145 frá American Eagle rann út af braut skömmu eftir lendingu á O´Hare-flugvellinum í Chicago í gær.
Þotan var nýlent eftir flug frá Greensboro í Norður-Karólínu með 38 farþega og þriggja manna
áhöfn um borð en er vélin var að yfirgefa brautina
inn á akbraut, rann hún út af brautinni til hliðanna og staðnæmdist með öll hjólin í snjónum.
Flugfélagið tilkynnti að vélin hefði runnið út af vegna ísingar á brautinni en hægra hjól vélarinnar
féll saman auk þess sem hægri vængendinn stakst ofan í jörðina.
Farþegar yfirgefa vélina eftir að hún rann út af brautinni eftir lendingu
Fyrstu vísbendingar benda til þess að bremsuskilyrðin hafi verið „miðlungs til slæm“ en
önnur flugvél, af gerðinni Bombardier CRJ700, sem kom inn til lendingar á undan vélinni
sem fór út af, hafði hætt við lendingu og tilkynntu flugmenn þeirrar vélar að bremsuskilyrðin væru
mjög slæm en sú þota lenti á flugvellinum í Green Bay.
Flugvélin, sem fór út af, hafði einnig framkvæmt eitt fráhvarfsflug og hætt við lendingu.
Veðurskilyrði, er þotan rann út af, var smávægileg snjókoma með vindstefnu frá 350° og var vindhraði upp á 17 hnúta með 25 hnúta í mestu hviðunum.
Flugumferðarstjórar lokuðu flugbrautinni í kjölfarið
Þotan lenti á braut 10L sem liggur nálægt segulstefnu 100° til aust-suðausturs en þar sem vindstefnan
var 350° þýðir að vindurinn kom úr norðnorðvestri og hafði vélin því lent með meiri meðvind
heldur en mótvind.
Flugumferðarstjórar létu loka braut 10L í kjölfarið og tilkynntu þeir starfsfólki að flugvél hefði farið út
af brautinni auk þess sem þeir létu allar komuvélar vita af því að bremsuskilyrðin væru slæm.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.