flugfréttir
Vélmenni rekin frá Boeing - Starfsmenn fengnir aftur í verkið
- Of mörg mistök hjá róbótunum sem fór mikill tími í að lagfæra
Róbótarnir hafa meðal annars verið notuð til þess að bora fyrir festingum í íhluti fyrir Boeing 777X þotuna
Nokkrum vélmennum og róbótum verður „sagt upp“ hjá Boeing sem tekin voru í notkun fyrir 4 árum síðan við framleiðslu á íhlutum og einingum fyrir Boeing 777X þotuna og verða „lifandi starfsmenn“ fengnir aftur til að vinna vinnuna á gamla mátann.
Það var árið 2015 sem að Boeing tók í notkun sérstök verksmiðjuvélmenni sem hafa síðan þá séð um að koma
fyrir hnoðum og boltum og bora fyrir í einingar á flugvélaskrokk fyrir arftaka Boeing 777 þotunnar.
Boeing mun þakka vélmennunum fyrir þau störf sem þau hafa sinnt á þessu tímabili en á næstu vikum munu hefðbundnir starfsmenn taka við keflinu.
Vélmennin í verksmiðjum Boeing hafa ekki verið að skila af sér eins nákvæmum vinnubrögðum eins og krafist var af þeim
Í ljós hefur komið að vélmennin gerðu of mörg mistök þar sem nákvæmnin var ekki nægilega mikil og þá komu
upp of mörg tilvik þar sem róbótarnir voru til vandræða og var skortur á þeirri handlagni og hugvitssemi sem aðeins
mennirnir búa yfir.
Vélmennin, sem Boeing hefur notast við, koma frá fyrirtækinu KUKA Systems en fyrirtækið hefur meðal annars
hannað róbóta fyrir bílaframleiðandann Tesla sem einnig lenti í vandræðum þar sem nákvæmnin var ekki alltaf nægilega
mikil.
Einn af yfirmönnum yfir verkefninu með róbótana segir að í upphafi hafi verið freistandi að hafa starfsmenn sem gátu unnið án þess að borða og taka sér hvíld en tvíverknaðurinn sem fór í að laga það sem var ekki nægilega vel gert hafi verið gríðarlegur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.