flugfréttir
Hefur 15 sinnum farið í flug og þóst vera flugstjóri hjá Lufthansa
- Var handtekinn á flugvellinum í Delí með falsaðan passa merktan Lufthansa
Uppátæki Rajan Mabhubani þykir svipa til gjörðir Frank Abegnale sem leikinn var af Leonardo DiCaprio í kvikmyndinni „Catch Me If You Can“
Indverskur karlmaður var gómaður á Indira Gandhi flugvellinum í Delí á Indlandi sl. mánudag eftir að í ljós kom að hann hafði villt á sér heimildir þar sem hann þóttist vera flugmaður.
Maðurinn, sem heitir Rajan Mahbubani og er 48 ára, var klæddur í flugmannsbúning er hann var stöðvaður
og þóttist hann vera flugmaður hjá Lufthansa.
Mahbubani hefur viðurkennt að hafa 15 sinnum flogið með farþegaflugi og með því notið margs konar fríðinda á borð
við að vera uppfærður upp í fyrsta farrými, sloppið við raðir í öryggisleit á flugvöllum og fengið að fara fyrstur um borð
á undan öðrum farþegum.
Atvikið þykir minna óneitanlega á kvikmyndina „Catch Me If You Can“ sem byggir á sannsögulegum atburðum
um Frank Abegnale sem ferðaðist frítt um allan heim, klæddur sem flugmaður hjá Pan American Airways en Abegnale
var leikinn af Leonardo DiCaprio.
Mahbubani var mjög virðulegur í tauinu og ekki
furða að margir hafi haldið að hann væri
flugmaður
Mahbubani stærði sig af uppátækjum sínum með því að birta myndir og myndbönd sem hann sendi félögum
sínum á samfélagsmiðlum en svo virðist sem að gamanið sé núna á enda.
Kynnti sig oftast sem þjálfunarflugstjóri hjá Lufthansa
Er Mahbubani var stöðvaður á flugvellinum í Delí var hann með starfsmannapassa utan um hálsinn sem var merktur Lufthansa
en hann sagðist hafa keypt hann á markaði í Bangkok og hafi hann með þessu flogið nokkrum sinnum frá flugvöllunum
í Delí og í Kalkútta.
Mahbubani sagðist hafa kynnt sig oft sem ráðgjafa og þjálfunarflugstjóra hjá Lufthansa en hann var stöðvaður
á mánudaginn er starfsmaður á flugvellinum ákvað að hafa samband við Lufthansa til að athuga bakgrunn hans og
deili á honum hjá flugfélaginu þýska.
Lufthansa sendi starfsmenn sína á vettvang til að hitta „flugstjórann“ við hlið nr. 52 þar sem hann ætlaði að fara
um borð í flug hjá AirAsia India en fljótlega játaði Mahbubani
að hann væri að þykjast að vera flugmaður.
Mahbubani var afhentur lögregluyfirvöldum og mun hefjast rannsókn á því hvernig honum tókst að fara framhjá
öryggisleit og nýta sér 15 flugferðir auk fríðinda um borð og á flugvöllum. Hann verður bæði yfirheyrður
af lögreglu og indversku leyniþjónustunni.
Fram kemur að Mahbubani hafi haldið úti sjónvarpsrás á YouTube þar sem hann hefur framleitt og klippt mörg myndbönd um flugvélar og er hann áhugamaður um flug.
Mahbubani leiddur í burtu af lögreglunni á Indira Gandhi flugvellinum í Delí sl. mánudag
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.