flugfréttir
Boeing 737 MAX 10 frumsýnd - Hjólastellið lengist í flugtakinu
- Aðalhjólastellin lengjast um 24 cm þegar 737 MAX 10 tekst á loft
Boeing frumsýndi fyrsta eintakið af Boeing 737 MAX 10 sl. föstudag en aðeins starfsmönnum við verksmiðjurnar í Renton var boðið
Boeing frumsýndi síðastliðna helgi fyrstu útgáfuna af 737 MAX 10 sem er lengsta MAX-þotan en hún kemur á markað á næsta ári.
Frumsýningin var frekar látlaus og var aðeins starfsmönnum Boeing við verksmiðjurnar í Renton boðið að sjá
fyrsta eintakið af 737 MAX 10.
Boeing 737 MAX 10 kemur með nýrri útgáfu af aðalhjólastelli með búnaði sem lengir hjólastellið sjálft og lyftir
vélinni því hærra upp frá yfirborði flugbrautarinnar í flugtaki á þeim tímapunkti sem hún er að hefja sig á loft.
Það er gert í þeim tilgangi að mynda meira pláss frá stéli vélarinnar svo það rekist ekki ofan í brautina við
flugtak þar sem skrokkurinn er 1.6 metrum lengri en á Boeing 737 MAX 9, 4.4 metrum lengri en 737 MAX 8 vélarnar og
1.8 metrum lengri en Boeing 737-900ER sem í dag er lengsta tegundin á markaðnum af Boeing 737.
Boeing 737 MAX 10 á að koma á markað á næsta ári en nákvæm dagsetning liggur ekki fyrir ennþá
Boeing 737 MAX 10 hefði í raun þurft að koma með hærra hjólastelli en þá hefði þurft að stækka hjólarýmið, þar sem
hjólin dragast upp eftir flugtak, sem var ekki möguleiki þar sem það takmarkast við hönnun vélarinnar sem hefur haldist
að mestu leyti óbreytt frá því „Classic“ útgáfan af Boeing 737 kom á markað árið 1984.
„Okkur langaði að viðhalda áfram 90% sameiginleika milli Boeing 737 MAX þotnanna og við vildum fá hjólastellið til þess að dragast upp aftur inn í sama hjólarýmið“, segir Gary Hamatani, yfirverkfræðingur yfir Boeing 737 MAX deildinni.
Aðalhjólastellið á fyrstu Boeing 737 MAX þotunni
Þess í stað ákvað Boeing að hanna búnnað sem lengir hjólastellið tímabundið í flugtaki um 24 sentimetra og dregst stellið aftur saman til baka í upprunalega stærð eftir flugtak áður en hjólin fara svo inn í hjólarýmið.
Hjólastellið lengist með sérstökum búnaði sem Boeing kallar „shrink link“ en Boeing kynnti hönnunina fyrst í ágúst í fyrra sem lausn við þeim vanda sem Boeing stóð frammi fyrir vegna þess hversu stutt hjólin miðað við lengdina á skrokknum.
Hjólastellið lengist um 24 sentimetra þegar vélin er að fara á loft og dregst svo aftur saman áður en hjólin fara inn í hjólarýmið
Boeing hefur fengið pantanir í 550 eintök af Boeing 737 MAX 10 þotunni frá yfir tuttugu viðskiptavinum víðvegar
um heiminn en United Airlines er stærsti viðskiptavinurinn og hefur það flugfélag pantað yfir 100 eintök af 737 MAX 10.
Boeing 737 MAX 10 er ætlað að keppa við Airbus A321neo og var vélin kynnt á flugsýningunni í París árið 2017. Boeing hefur ekki viljað gefa upp nákvæmlega hvenær
hún kemur á markað þar sem það veltur á kyrrsetningu MAX vélanna en tekur fram að það verði á „næsta ári“.
Skjáskot af myndbandi frá Boeing
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.