flugfréttir
Dagar Air India taldir ef nýir eigendur finnast ekki
- Segja að einkavæðing sé eina leiðin til að bjarga rekstri Air India
Boeing 747 júmbó-þota Air India
Töluverð óvissa ríkir nú með framtíð Air India en nú lítur allt út fyrir að flugfélagið indverska eigi sér enga framtíð án þess að verða einkavætt og sé það eina vonin ef bjarga á rekstri félagsins fyrir horn.
Tuttugu og sex forsvarsmenn þeirra 13 verkalýðsfélaga á Indlandi sem fara fyrir þeim 14.000 starfsmönnum sem starfa hjá Air India hafa fundað
með indverskum stjórnvöldum til að fá skýr svör varðandi framtíð starfsfólksins ef einkaaðilar finnast til að taka
yfir reksturinn en á sama tíma stendur indverska ríkisstjórnin í örvæntingarfullri leit af áhugasömum kaupendum.
Ríkisstjórn Indlands segir að það sé engin von fyrir flugfélag sem skuldar yfir eitt þúsund og þrjú hundruð milljarða króna nema
að áhugasamur kaupandi komi fram og hægt sé að semja um heildarskuldina við kaupsaming.
Heildarskuld Air India er yfir 1.300 milljarðar króna
Í gær var greint frá því að tvö stór flugfélög hafi nú sýnt Air India áhuga sem eru Etihad Airways og indverska
lágfargjaldafélagið IndiGo Airlines en bæði félögin hafa átt fund með stjórnvöldum á Indlandi varðandi yfirtöku.
Ríkisstjórn landsins hefur tilkynnt að Air India verði selt í heilu lagi og hefur verið gefin frestur til enda þessa mánaðar
fyrir þá aðila sem vilja senda inn áhugayfirlýsingu vegna sölu á félaginu.
Etihad Airways hefur áður átt hlut í indversku flugfélagi en félagið átti 24% hlut í Jet Airways en ákvað á endanum
að yfirgefa sinn hlut og hætti það félag starfsemi sinni í apríl árið 2019.
Fram kemur að ríkisstjórn Indlands sé tilbúin til þess að afskrifa um þriðjung af skuldum Air India sem þýðir
að nýr eigandi gætu samt þurft að taka á sig skuld upp á 600 milljarða króna.
Air India þarf allt að 18 milljarða króna sem fyrst til að fjármagna nýja hreyfla fyrir tólf Airbus A320 þotur sem hafa verið kyrrsettar vegna viðhaldsmála.
Talið er líklegt að ef ekki verður hægt að finna nýjan eiganda og ganga frá sölu á félaginu fyrir mitt árið gæti
svo farið að rekstrur Air India stöðvist í júní í sumar sem gæti verið upphafið að endalokum flugfélagsins
sem á rætur sínar að rekja til ársins 1932.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.