flugfréttir
Bresk flugfélög gagnrýna aðstoð breska ríkisins vegna Flybe
- Segja breska ríkið vera að mismuna öðrum breskum flugfélögum
Flugvélar Flybe og Ryanair
Yfirmenn og forstjórar nokkurra breskra flugfélag hafa harðlega gagnrýnt aðgerðir breskra stjórnvalda sem ákváðu að bjargra rekstri lágfargjaldaflugfélagsins Flybe með því að lækka farþegaskatta og fresta skattagreiðslum til þess að létta róður félagsins sem var á barmi gjaldþrots fyrr í þessum mánuði.
Michael O´Leary, framkvæmdarstjóri Ryanair, segir að um ólöglegar aðgerðir sé að ræða og sé verið að mismuna
öðrum flugfélögum sem fá ekki að njóta sömu kjara er kemur að skattgreiðslum og álögum á innanlandsflug í Bretlandi og
segir framkvæmdarstjórinn að með þessu sé verið að stuðla að óheilbrigðri samkeppni.
Þá hefur flugfélagasamsteypan International Airlines Group (IAG), móðurfélag British Airways og Iberia, sent formlega
kvörtun til samkeppnistofnunnar Evrópusambandsins vegna ríkisaðstoðar bresku ríkisstjórnarinnar til Flybe.
Wille Walsh, framkvæmdarstjóri IAG, segir að Flybe sé að fara fram á að skattgreiðendur bæti upp fyrir
slæma stjórnun á flugfélaginu.
Michael O´Leary, framkvæmdarstjóri Ryanair, og Willie Walsh,
framkvæmdarstjóri IAG, móðurfélags British Airways
Breska ríkisstjórnin neitar því að hafa brotið reglur varðandi ríkisaðstoð og vísar í þá staðreynd að í 700.000 tilvikum hafi breska ríkið
hliðrað tímasetningu varðandi greiðslur á sköttum fyrir fyrirtæki frá árinu 2018 til 2019 í þeim tilgangi að gefa
fyrirtækjum tækifæri á að ná sér á strik í erfiðleikum.
Flybe hefur ekki birt afkomuskýrslu frá því að Connect Airways tók yfir rekstur þess í nóvember árið 2018
en Connect Airways er í eigu Stobart Group og Virgin Atlantic og hefur staðið til að breyta nafni flugfélagsins
í Virgin Connect.
Bretar hafa tekið upp sérstaka umhverfisskatta á flugsamgöngur sem sagðar eru vera með þeim hæstu í heimi
en með aðstoð breska ríkissins til Flybe mun félagið ekki þurfa að greiða eins háa tolla sem eru innifaldir í farþegasköttum
í innanlandsflugi.
Michael O´Leary krefst þess að önnur flugfélög, sem sinna innanlandsflugi í Bretlandi, fái að njóta sömu kjara og segir
að annað sé hrein mismunun. O´Leary gefur breska ríkinu frest í 7 daga til þess að svara bréfi hans en ellegar
ætlar Ryanair að fara í mál við bresk stjórnvöld fyrir brot á breskum lögum, samkeppnisreglum Evrópusambandsins og
fyrir brot á lögum um ríkisaðstoð.
Johan Lundgren, framkvæmdarstjóri easyJet, gagnrýnir einnig þá sérstöku meðferð sem Flybe fær hjá breskum
stjórnvöldum og í sama streng tekur forstjóri Wizz Air.
Flybe hefur sent frá sér yfirlýsingu þar sem fram kemur að flugfélagið sé aðeins að fá frest vegna greiðslu á sköttum
og sé það aðeins spurning um nokkra mánuði hvenær félagið muni greiða alla skatta að fullu. „Þetta er staðlað
samkomulag sem hvaða fyrirtæki sem er hefur rétt á að notfæra sér“, segir í yfirlýsingu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.