flugfréttir

Ekkert lát á kaffisulli í stjórnklefum í Airbus-þotum

- Kaffi helltist yfir tækjaborð í A350 hjá Delta og te í A350 þotu hjá Asiana

30. janúar 2020

|

Frétt skrifuð kl. 11:14

Þrjú atvik hafa átt sér stað á einu ári þar sem flugmenn á Airbus-þotum hafa óvart hellt kaffi eða te yfir tækjaborð í stjórnklefanum

Airbus, hreyflaframleiðandinn Rolls-Royce og fyrirtækið Leonardo, munu á næstunni ræða við nokkur flugfélög varðandi tvö atvik sem hafa komið upp sem tengjast tilfellum þar sem flugmenn höfðu óvart hellt drykkjum yfir tækjabúnað á mælaborði sem staðsett er á milli þeirra en í báðum tilfellunum þurfti að drepa á hreyflum, fljúga af áætlaðri flugleið og lenda vélunum á næsta flugvelli.

Í september í fyrra birtist frétt á Alltumflug.is þar sem greint var frá sambærilegu atviki þar sem Airbus A330 breiðþota frá Condor þurfti að snúa við til Shannon í 36.000 fetum á leið sinni frá Frankfurt til Mexíkóborgar eftir að flugmennirnir lýstu yfir neyðarástandi vegna reyks sem rakið var til þess að annar flugmaðurinn hellti óvart kaffi úr pappamáli sem var með engu loki.

Síðan þá hafa komið upp tvö tilfelli til viðbótar en annað þeirra átti sér stað þann 9. nóvember í fyrra er Airbus A350 þota frá Asiana Airlines, á leið frá Seoul til Singapore, þurfti að lenda í Manila á Filippseyjum eftir að upp kom vandamál í hreyfli sem tengt var við það að annar flugmaðurinn hellti óvart úr tebolla sem skvettist yfir tækjabúnað og takka.

Nýjasta atvikið, sem er það þriðja í röðinni á einu ári, sem ratað hefur í fréttirnar, átti sér stað núna þann 21. janúar um borð í Airbus A350-900 þotu hjá Delta Air Lines en sú þota var á leið frá Detroit til Seoul.

Er þotan var yfir Beaufort-hafi, yfir heimskautasvæðinu norður af Alaska, kom upp vandamál með hægri hreyfilinn sem varð til þess að flugmennirnir ákváðu að lenda í Fairbanks í Alaska eftir að tilraunir til endurræsingar báru ekki árangur. Í ljós kom að 15 mínútum áður hafði annar flugmaðurinn óvart misst kaffibollann yfir tækjaborðið sem staðsett er á milli flugmannanna.

Hluti af tækjaborði sem staðsett er milli flugmannanna um borð í Airbus A350 breiðþotu

Tækjaborðið sem um ræðir, sem virðist vera að taka á sig flestu kaffibollaskvetturnar, kallast á ensku „centre console pedestal“ og stundum „middle-console panels“ en á þessu tækjaborði má finna búnað og takkaborð sem stjórna ræsingu á hreyflum, val á fjarskiptatíðnum, flugtölvuna (FMS) og þar eru einnig að finna sköft fyrir flapastillingar auk fjölda annarra takka.

Í báðum tilvikunum þurftu flugvirkjar að skipta út búnaði á tækjaborðinu og þar á meðal tölvukerfi sem stjórnar aflstillingum fyrir hreyflana sem tengist nokkrum öðrum kerfum.

Bæði flugfélögin, Asiana Airlines og Delta Air Lines, hafa verið upplýst um að atvikin hjá þeim tengjast því að vökvi (drykkir) helltust yfir viðkvæman rafmagnsbúnað en bein orsök þess að hreyflarnir drápu á sér í miðju flugi er til rannsóknar.







  fréttir af handahófi

Helmingi minna fé varið í framleiðslu á SpaceJet-þotunni

13. maí 2020

|

Japanski flugvélaframleiðandinn Mitsubishi Heavy Industries (MH) hefur tilkynnt að helmingi minna fé verði varið til framleiðslu á SpaceJet farþegaþotunni sem upphaflega var kynnt til sögunnar undir

Loka þremur bækistöðvum áhafna í Bandaríkjunum

19. apríl 2020

|

Cathay Pacific hefur ákveðið að loka þremur áhafnastarfsstöðvum í Bandaríkjunum til þess að spara fjármagn vegna þess fjárhagsskaða sem félagið hefur orðið fyrir vegna COVID-19.

Fraktflugvél brotlenti í Sómalíu

14. júlí 2020

|

Allir komust lífs af í flugslysi í Sómalíu er fraktflugvél af gerðinni de Havilland DHC-8 frá flugfélaginu Blue Bird Aviation brotlenti í lendingu í dag á Belet Uen flugvellinum nálægt borginni Bele

  Nýjustu flugfréttirnar

Íslensk júmbó-þota fór með nefhjól út af flugbraut

14. júlí 2020

|

Júmbó-fraktþota af gerðinni Boeing 747-400F, sem skráð er með íslenskra skráningu, fór að hluta til út af flugbraut á Doncaster-flugvellinum í Sheffield á Englandi í dag.

Risatap Delta Air Lines samsvarar 547 milljörðum

14. júlí 2020

|

Bandaríska flugfélagið Delta Air Lines tapaði um 547 milljörðum króna á öðrum ársfjórðungi ársins og er þetta eitt mesta tap í sögu félagsins sem er tilkomið vegna COVID-19 heimsfaraldursins.

Flugakademía Íslands stærsti flugskóli á Íslandi

14. júlí 2020

|

Flugakademía Keilis og Flugskóli Íslands hafa sameinast í stærsta flugskóla landsins sem fengið hefur nafnið Flugakademía Íslands.

Fly Armenia nýtt flugfélag í Armeníu

14. júlí 2020

|

Á meðan mörg flugfélög eru að berjast við að halda velli og forða sér frá gjaldþroti þá er verið að stofna nýtt flugfélag í Ameníu sem fer að líta dagsins ljóss á næstunni.

Icelandair og airBaltic í samstarf

13. júlí 2020

|

Icelandair og lettneska flugfélagið airBaltic hafa hafið samstarf með undirritun samstarfssamning um sameiginlega útgáfu á farmiðum.

American íhugar að hætta við á annan tug 737 MAX flugvéla

13. júlí 2020

|

American Airlines er að íhuga að hætta við hluta af pöntun sinni í Boeing 737 MAX vélarnar og hefur staðan því breyst töluvert þar sem að aðeins eru tvær vikur síðan að flugfélagið bandaríska lýsti

Yfir 80 starfsmönnum hjá Ryanair í Belgíu sagt upp

9. júlí 2020

|

Ryanair hefur ákveðið að segja upp 40 flugmönnum og fjörutíu flugfreyjum og flugþjónum í Belgíu.

LEVEL France hættir starfsemi

9. júlí 2020

|

Flugfélagasamsteypan IAG (International Airlines Group) tilkynnti í gær að dótturfélagið LEVEL France myndi hætta starfsemi sinni.

Flugþjóns frá PIA saknað eftir viðdvöl í Toronto

9. júlí 2020

|

Ekkert hefur spurst til flugþjóns frá Pakistan International Airlines (PIA) sem saknað hefur verið eftir að áhöfn flugfélagsins pakistanska hafði viðdvöl í Toronto í Kanada.

Air Namibía svipt leyfi til þess að fljúga farþegaflug

9. júlí 2020

|

Ríkisstjórn Namibíu hefur svipt flugfélaginu Air Namibia leyfi til þess að fljúga áætunarflug og leiguflug með farþega þar sem að félagið hefur ekki náð að afla nægilegs fjármagns til þess að sína fr

 síðustu atvik

  2019-01-01 20:20:00