flugfréttir
Að hætta með A380 kostar Air France yfir 50 milljarða
- Allar Airbus A380 þoturnar verða farnar úr flota Air France árið 2022
20. febrúar 2020
|
Frétt skrifuð kl. 18:40
Airbus A380 risaþota Air France
Air France segir að það muni kosta félagið um 52 milljarða króna að hætta með Airbus A380 risaþoturnar en félagið tilkynnti í fyrra að til stæða að taka allar risaþoturnar úr umferð á næstu tveimur árum.
Air France hefur aðeins flogið risaþotunum í 10 ár sem er tiltölulega stuttur tími fyrir nýja tegund af farþegaþotu
en flest flugfélög sjá fram á að nota nýjar þotur í þónokkuð lengri tíma en í einn áratug.
Flugfélagið franska pantaði upphaflega 12 risaþotur en ákvað að síðar meir að tíu risaþotur væri nóg
fyrir félagið.
Air France segir að félagið hafi nú þegar eytt 17 milljörðum króna í að flýta fyrir ferlinu sem það tekur að losa
sig við Airbus A380 en gert er ráð fyrir að risaþoturnar verða ekki lengur í notkun árið 2022 og mun líftími risaþotnanna
því telja 13 ár í flota Air France sem tók þær í notkun árið 2009.
Air France á aðeins eina A380 risaþotu en hinar eru allar í eigu flugvélaleigufyrirtækja og fer meðal annars
mikill kostnaður í að flýta fyrir ferlinu þar sem félagið kýs að stytta leigutímann auk þess sem breytingar
á rekstri hafa aukinn kostnað í för með sér.
Air France mun leysa einhverja risaþotuáfangastaði af hólmi með nýju Airbus A350 þotunum en aðalvinnuhestur
Air France á löngum flugleiðum er Boeing 777-300ER þotan en félagið hefur 43 slíkar í flotanum.
Air France segir að Boeing 777-300ER sé mun hagkvæmari í rekstri enda tveggja hreyfla og brennir minna
eldsneyti en til samanburðar þá taka Boeing 777-300ER þotur Air France allt að 468 farþega á meðan
Airbus A380 risaþoturnar taka 516 farþega.
Flugfélagið stefnir að því að árið 2023 muni langflugsfloti Air France samanstanda af Airbus A350, A330, Boeing 787
og Boeing 777 þotum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
