flugfréttir

48 mál á flugsviði til rannsóknar hjá RNSA eftir árið 2019

- 23 eru flokkuð sem alvarleg atvik og 8 af þeim voru flugslys

21. febrúar 2020

|

Frétt skrifuð kl. 16:49

48 mál voru tekin til rannsóknar sem áttu sér stað árið 2019 en 23 af þeim eru flokkuð sem alvarleg flugatvik og flugslys

Rannsóknarnefnd samgönguslysa (RNSA) gaf út nýverið ársyfirlit fyrir árið 2019 þar sem finna má upplýsingar, tölfræði og uppgjör fyrir árið í fyrra er kemur að flugi.

Töluverð fjölgun varð á tilkynningum sem bárust nefndinni er kemur að flugslysum og flugatvikum en alls bárust 3.619 tilkynningar um flugatvik, alvarleg flugatvik og flugslys í fyrra en tekið er fram að oft er um að ræða fleiri en eina tilkynningu um sama atvikið.

Fjöldinn er þó töluvert meiri en endanfarin ár og bárust til að mynda þrefalt fleiri tilkynningar í fyrra samanborið við árið 2010 þegar nefndinni bárust um 1.200 tilkynningar. Árið á undan, árið 2018, bárust 2.984 tilkynningar.

Árið 2006 var tekin í gildi reglugerð um aukna tilkynningaskyldu atvika í flugi og var árið 2007 fyrsta árið sem slíkar tilkynningar bárust og voru þá 554 talsins. Atvikin eru tilkynnt til Samgöngustofu og fær RNSA afrit af þeim og í kjölfarið ákveðið hvaða atvik eru tekin til rannsóknar eftir alvarleika.

Flest flugatvikin í fyrra áttu sér stað yfir sumarmánuðina en þá viðrar best til flugs á Íslandi og flest loftför hefja sig þá til lofts

Árið 2019 voru 48 mál rannsökuð og voru 23 af þeim alvarleg flugatvik, flugumferðaratvik eða flugslys.

Tvö banaslys áttu sér stað í fyrra, hið fyrra í Múlakoti og hið síðara á Haukadalsmelum en það gerðist einnig árið 2015 en þá brotlenti flugvél af gerðinni DHC-2 Beaver í Barkárdal í ágúst það árið en hið síðara átti sér stað í nóvember er kennsluflugvél af gerðinni Tecnam P2002JF brotlenti í Kapelluhrauni í Hafnarfirði.

Helmingur atvika og slysa áttu sér stað í júní, júlí og ágúst

Flest atvikin og slysin í fyrra áttu sér stað yfir sumarmánuðina en tæplega helmingur allra atvika og flugslysa árið 2019 átti sér stað í júní, júlí og ágúst eða 22 atvik.

Júlí kom langverst út en þá áttu sér stað 3 flugslys á einni viku og þar af tvö slys á sama flugvelli. Þann 20. júlí nauðlenti fis nálægt flugvellinum á Rifi á Snæfellsnesi, fimm dögum síðar hlekktist flugvél af gerðinni Cessna Skylane á í flugtaki á Haukadalsmelum og tveimur dögum síðar brotlenti flugvél af gerðinni Cessna Piper PA-12 Replica á sama flugvelli.

Banaslys í flugi á Íslandi sl. ár

Í seinna slysinu á Haukadalsmelum lést einn flugmaður og var það annað banaslysið í fluginu í fyrra sem átti sér stað í kjölfar flugslyss í Múlakoti þann 9. júní þar sem þrír létu lífið.

Fjórum dögum eftir slysið í Múlakoti brotlenti kennsluflugvél af gerðinni Diamond DA40 á sunnanverðum Vestfjörðum eftir að sólónemi í yfirlandsflugi lenti í hrakkningum í niðurstreymi við Látrabjarg.

Þá voru tvö önnur flugslys sem áttu sér stað í fyrra þar sem tvær flugvélar úr sama flugklúbbi eyðilögðust í tveimur slysum. Annars vegar er TF-KAY hlekktist á í flugtaki í Svefneyjum á Breiðafirði þann 15. ágúst og það síðara þann 17. september er TF-KAJ brotlenti á Skálafellsöxl, austur af Esjunni.

Yfir helmingur atvika í almannaflugi skiptist jafnt milli einkaflugvéla og kennsluvéla

Sex alvarleg flugumferðaratvik voru skráð í fyrra en í fimm tilfellum var um að ræða tvær flugvélar sem fóru of nálægt hvor annarri eða flugu í veg fyrir hvor aðra en öll atvikin áttu sér stað við og í nágrenni Reykjavíkurflugvallar.

Flugvöllurinn á Sandskeiði

Tíu atvik komu upp með farþegaþotur Icelandair af gerðinni Boeing 757 og Boeing 767 af ýmsum toga og þá voru skráð tvö atvik þar sem íslensk loftför áttu í hlut á erlendri grund en þau atvik áttu sér stað á Kanarýeyjum og í Marokkó og þá voru skráð sex atvik sem varða erlend loftför á íslenskri grund eða í íslenskri lofthelgi.

Airbus A319 þota Atlantic Airways í flugtaki á Reykjavíkurflugvelli

27 atvik sem áttu sér stað í fyrra tilheyra almannaflugi þar sem litlar flugvélar áttu í hlut en af þeim voru 15 tilvik þar sem um einkaflug var að ræða og í tólf tilfellum var um að ræða kennsluflug.

Rannsóknarnefnd samgönguslysa (RNSA) lauk við rannsókn á 42 málum árið 2019 sem hafa átt sér stað á sl. árum en af þeim var fimm málum lokið með útgáfu lokaskýrslu, 8 málum var lokið með bókun, þrjú mál voru sameinuð öðrum málum og 26 mál voru ekki rannsökuð frekar þar sem ekki þótti tilefni til að aðhafast frekar.

Listinn í heild sinni:







  fréttir af handahófi

Segist eiga von á skaðabótum frá Boeing vegna 737 MAX

13. maí 2020

|

Brasilíska flugfélagið GOL (Gol Linhas Aéreas) segir að félagið á von á skaðabótagreiðslu upp á 60 milljarða króna frá Boeing vegna kyrrsetningu Boeing 737 MAX vélanna þar sem félagið hefur ekki geta

Icelandair og flugmenn undirrita kjarasamning

15. maí 2020

|

Samningar náðust í nótt milli Icelandair og Félag íslenskra atvinnuflugmanna (FÍA) sem undirrituðu nýjan kjarasamning um laun og kjör flugmanna hjá félaginu.

Um 2.000 manns sagt upp hjá Icelandair

28. apríl 2020

|

Icelandair hefur tilkynnt um uppsögn á um 2.000 starfsmönnum félagsins sem er liður í hagræðingu vegna áhrifa af kórónaveirufaraldrinum.

  Nýjustu flugfréttirnar

Kennsluflug í Bretlandi hefst að nýju 4. júlí

2. júlí 2020

|

Flugkennsla mun hefjast að nýju í Bretlandi um helgina en vegna takmarkana vegna COVID-19 hefur verklegt flugnám legið niðri sl. vikur þar sem áhrifin af kórónaveirufaraldrinum í Bretlandi hafa vari

Flugmenn Ryanair í Bretlandi samþykkja launalækkun

2. júlí 2020

|

Breskir flugmenn hjá Ryanair hafa samþykkt að taka að sér 20 prósenta launalækkun í kosningu sem fram fór og var yfirgnæfandi meirihluti sem kaus með launalækkun í þeim tilgangi að koma í veg fyrir u

Aeroméxico sækir um gjaldþrotavernd

1. júlí 2020

|

Aeroméxico, þjóðarflugfélag Mexíkó, hefur sótt um greiðslustöðvun með umsókn um Chapter 11 gjaldþrotavernd í Bandaríkjunum.

Flugvélaleigan BOC hættir við þrjátíu MAX-þotur

1. júlí 2020

|

Flugvélaleigan BOC Aviation í Singapore tilkynnti í dag að fyrirtækið sé búið að hætta við pöntun í 30 Boeing 737 MAX þotur.

Tólf hóteleigendur á Kanarí stofna nýtt flugfélag

1. júlí 2020

|

Hópur af hóteleigendum á Kanaríeyjum, sem hafa miklar áhyggjur af ferðamannahruninu á eyjunni, hafa ákveðið að taka höndum saman og stofna sitt eigið flugfélag og hefur hópurinn þegar tryggt sér ein

Yfir 90 prósent starfsfólks hjá Jet Time sagt upp

30. júní 2020

|

Danska flugfélagið Jet Time hefur sagt upp 90 prósent af öllu starfsfólki félagsins eða 313 af þeim 342 sem hafa starfað hjá félaginu.

Pakistanska flugfélaginu PIA bannað að fljúga til Evrópu

30. júní 2020

|

Flugöryggisstofnun Evrópu (EASA) hefur bannað flugfélaginu Pakistan International Airlines (PIA) að fljúga til Evrópu og um evrópska flugvelli og hefur félagið verið sett á svartan lista.

Hætta við 92 MAX-þotur og höfða mál gegn Boeing

30. júní 2020

|

Norska flugfélagið Norwegian hefur hætt við allar pantanirnar sem félagið átti í Boeing 737 MAX og Dreamliner-vélarnar, alls 97 þotur, og hefur félagið þar að auki ákveðið að stefna Boeing og höfða

Flugfélagið LIAT fer í gjaldþrot

29. júní 2020

|

Flugfélagið LIAT (Leeward Islands Air Transport) á Karíbahafseyjunni Antígúa verður tekið til gjaldþrotaskipta og hafa stjórnvöld á eyjaklasanum tilkynnt að nýtt flugfélag verði stofnað í stað þess.

Þrjú stærstu flugfélög Kína fá sína fyrstu ARJ21 þotur afhentar

29. júní 2020

|

Þrjú stærstu flugfélögin í Kína fengu öll fyrsta eintakið af ARJ21 þotunni í afhentar gær sem framleidd er af kínverska flugvélaframleiðandanum COMAC.

 síðustu atvik

  2019-01-01 20:20:00