flugfréttir
Flugvélaframleiðandinn Piaggio Aerospace til sölu
- Leita eftir tilboðum frá áhugasömum aðilum
27. febrúar 2020
|
Frétt skrifuð kl. 08:53
Piaggio Aerospace er þekktast fyrir hina óvenjulegu Piaggio Avanti P.180 flugvél
Ítalski flugvélaframleiðandinn Piaggio Aerospace er til sölu en fyrirtækið mun á næstunni óska eftir tilboðum frá traustum aðilum sem hafa áhuga á að taka yfir reksturinn.
Það er Piaggio Aero Industries sem verður selt en það fyrirtæki er dótturfélag Piaggio Aviation en bæði
fyrirtækin tilheyra Piaggio Aerospace.
Piaggio fékk í nóvember í fyrra leyfi frá stjórnvöldum á Ítalíu til þess að setja fyrirtækið á sölu og
er stefnt að því að finna nýja eigendur sem gætu tekið við rekstri framleiðandans að öllu leyti.
Piaggio Aerospace er þekktast fyrir hina óvenjulegu Piaggio Avanti P.180 flugvél sem kom á markað árið 1986
og síðar kom Piaggio Avanti Evo á markað árið 2013.
Fram kemur að fyrirtækið ætti að vera freistandi kostur í augum kaupenda þar sem framleiðandinn hefur þegar
tryggt sér pantanir í nýjar flugvélar að andvirði 62 milljarða króna og þá sé von á því að búið verða að ganga
frá samningum í fleiri pantanir upp á álíka upphæð til viðbótar.
Piaggio Aerospace gekkst undir gjaldþrotameðferð í fyrra og segir Vincenzo Nicastro, sérstakur
fulltrúi fyrirtækisins á vegum ríkisstjórnar Ítalíu, að öll tilboð verða skoðuð og því næst verður
ákveðið hvaða tilboð fara inn í næsta ferli áður en rétti kaupandinn verður valinn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
