flugfréttir
Ætla að hætta flugrekstri vegna skorts á flugmönnum
- Trans States Airlines nær ekki að ráða nægilegan fjölda af flugstjórum
Embraer 145 þota Trans States Airlines
Bandaríska flugfélagið Trans States Airlines hefur tilkynnt öllu starfsfólki sínu að félagið muni leggja árar í bát og hætta flugrekstri fyrir lok þessa árs.
Trans States Airlines flýgur um 240 flugferðir á dag milli 70 borga vestanhafs en félagið flýgur
minni farþegaflugvélum fyrir bandarísk flugfélög á borð við United Express.
Ástæðan fyrir því að félagið ætlar að hætta starfsemi sinni er sögð vera vegna skorts á
flugmönnum en félagið glímir einnig við fjárhagserfiðleika sem er önnur ástæðan fyrir
fyrirhuguðum rekstarlokum.
Um 350 flugmenn starfa hjá Trans States Airlines, sem hefur höfuðstöðvar sínar í St. Louis, en
fyrstu teikn á lofti um erfiðleika í rekstri var ákvörðun félagsins um að hætta við pöntun
í 50 Mitsubishi Regional Jet (MRJ) þotur.
Flugfélagið er í eigu Trans States Holding sem á einnig flugfélögin Compass Airlines og GoJet
Airlines en þau flugfélög fljúga undir merkjum Delta Connection og American Eagle.
Rick Leach, framkvæmdarstjóri Trans States Holding, sagði í skilaboðum til starfsmanna sinna
að Trans States Airlines hafi ekki tekist að laða að nægilegan fjölda af flugstjórum til að halda
í jafnt hlutfall af flugmönnum og gengur reksturinn því ekki lengur með þeim hætti.
Skortur á flugmönnum vestanhafs hefur orðið til þess að félagið hætti við þjálfun sem var þegar
hafin á nýjum flugmönnum sem voru að undirgangast tegundaráritun.
Þá hefur félagið ekki náð að fljúga öllum Embraer 145 þotunum sínum og munu einhverjar
af þeim þotum fara yfir til flugfélagsins ExpressJet Airlines sem flýgur einnig fyrir
United Express.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.