flugfréttir
Tvær þotur hættu við flugtak á sömu braut
Boeing 777-300ER þota Air Canada á flugvellinum í Toronto
Rannsóknarnefnd flugslysa í Kanada hefur greint frá atviki sem átti sér stað á flugvellinum í Toronto fyrr í þessum mánuði þar sem farþegaþota af gerðinni Boeing 777 hætti við flugtak eftir að önnur þota af gerðinni Embraer E190 hafði hætt við flugtak á sömu braut.
Atvikið átti sér stað þann 7. mars sl. er Boeing 777-300ER þota frá Air Canada hafði
fengið leyfi til að taka sér brautarstöðu strax eftir að Embraer-þotan, sem var einnig frá
Air Canada, hafði fengið flugtaksheimild.
35 sekúndum síðar gaf turninn flugmönnunum á Boeing 777 þotunni heimild til að hefja
flugtak með því skilyrði að þeir myndu viðhalda aðskilnaði við Embraer-þotuna með því
að hafa hana í augsýn.
Skömmu eftir flugtaksheimildina hætti hinsvegar Embraer-þotan við flugtak á miklum hraða
þegar sú þota var búin með um 2/3 af brautinni í flugtaksbruninu vegna áreksturs
við fugla.
Embraer-þotan var komin á 135 hnúta hraða en á sama tíma hafði Boeing 777-300ER
þotan náð 110 kt hraða þegar flugmenn þeirra vélar hættu við flugtakið þar sem þeir
sáu að Embraer-þotan hafði hætt við sitt flugtak.
Báðar vélarnar yfirgáfu flugbrautina en hvorugar vélarnar urðu fyrir skemmdum og
ekki urðu nein slys á fólki. Um borð í Boeing 777 þotunni voru 359 farþegar og 87 voru
um borð í Embraer-þotunni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.