flugfréttir
Icelandair-þota teiknaði hjarta yfir Reykjavík
- Luku Kínafluginu með þakklæti til heilbrigðisstarfsmanna
19. apríl 2020
|
Frétt skrifuð kl. 19:16
Hjartað á Flightradar24.com
Boeing 767-300ER breiðþota Icelandair, sem var að koma frá Shanghai í Kína núna síðdegis í dag, „teiknaði“ hjarta yfir höfuðborginni rétt fyrir lendingu í Keflavík.
Flugvélin, sem er TF-ISW, var að ljúka við þriðja flug Icelandair til Kína til þess að sækja sjúkrabirgðir vegna heimsfaraldursins COVID-19 en hún fór af landi brott sl. laugardagsmorgun
og hafði viðdvöl í Shanghai í rúma 8:30 klukkustundir áður en hún lagði af stað aftur til Íslands.
Þotan fór í loftið um klukkan 17:00 að ísenskum tíma frá Shanghai í gærkvöldi og tók heimflugið 13 klukkustundir og tvær mínútur.
Flugvélin kom að landsteinunum við Borgarfjörð Eystri klukkan 17:34 í dag og byrjaði að lækka flugið norður af Vatnajökli tólf mínútum síðar og
var komin að Hellisheiðinni skömmu síðar. Þaðan tók hún tók stefnu beint til vesturs yfir Skálafell og við tóku teiknihæfileikar flugmannanna með því markmiði að
fljúga yfir Reykjavík og skilja eftir hjartnæm skilaboð á radarnum á Flightradar24.com.
Það tók 14 mínútur að mynda hjartað sem var myndað í 2.500 fetum með stefnu að Romeo Kilo frá suðaustri með hring yfir mitt Reykjavíkursvæðið með Borgarspítalann í miðju hjartanu. Eftir að hafa lokið við hægri helming hjartans var stefnan tekin suðvestur að Hafnafjarðarhrauni og því næst til vesturs að Vatnsleysiströng þaðan norður í aðflug að braut 20 og lenti vélin á Keflavíkurflugvelli kl. 18:37.
Flightradar24.com klukkan 18:25 í dag
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
