flugfréttir
Emirates þarf að endurgreiða tæp 500.000 flugmiða
28. apríl 2020
|
Frétt skrifuð kl. 07:01
Flugfloti Emirates
Emirates hefur fengið beiðni um endurgreiðslu á næstum hálfri milljón flugmiða sem félagið vinnur nú að því að greiða farþegum til baka.
Algjört ferðabann hefur verið í Sameinuðu arabísku furstadæmunum
en þau flugfélög sem eru starfrækt í þeim löndum þar sem ekki ríkir ferðabann
koma betur undan áhrifunum af kórónaveirufaraldrinum er kemur að endurgreiðslu á miðum.
Emirates hefur aldrei fengið eins gríðarlegan fjölda af beiðnum frá farþegum
sem vilja fá flugmiðana sína endurgreidda.
Fjöldi farmiða sem félagið
þarf að endurgreiða er á fimmta hundrað þúsund en vanalega er Emirates
að meðhöndla um 35.000 beiðnir um endurgreiðslu á mánuði.
Emirates á von á enn fleiri endurgreiðslukröfum og segir félagið að það nái að
afgreiða um 150.000 endurgreiðslur á mánuði og má því áætla að endurgreiðsluferlið
muni standa fram á sumar og er vonast til að því muni ljúka í bili í ágúst.
„Þetta eru erfiðir tímar fyrir okkur líkt og fyrir öll önnur flugfélög. Við erum að
nota lausaféð okkar fyrir endurgreiðslur en það er okkar skylda og ábyrgð að gera.
Við munum sjá til þess að allir okkar viðskiptavinir muni fá endurgreitt“, segir
Tim Clark, forstjóri Emirates.
Emirates flýgur í augnablikinu aðeins örfáar flugferðir eða eins og kallað
hefur verið á ensku „beinagrindaþjónusta“ (skeleton service) sem þýðir
þegar flugfélag flýgur aðeins til allra stærstu áfangastaðanna og það með
takmarkaðri tíðni.
Emirates stefnir hinsvegar ekki á að byrja smátt þegar kórónaveirufaraldrinum
lýkur og ætlar félagið jafnvel að bæta við ferðum þótt að leiðarkerfið sjálft
verði aðeins minna í sniðum en það var fyrir daga COVID-19.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
