flugfréttir
„Næstum kílómetra löng biðröð fyrir hverja júmbó-þotu“
- Engan veginn hægt að viðhalda samfélagslegri fjarlægð á flugvöllum
4. maí 2020
|
Frétt skrifuð kl. 13:00
Farþegi á leið í gegnum flugstöð á Heathrow-flugvelli
John Holland-Kaye, yfirmaður Heathrow-flugvallarins, hefur hvatt bresk stjórnvöld til þess að endurskoða reglugerðir um samfélagslega fjarlægð milli fólks í ljósi þess að slíkt geti engan veginn virkað á alþjóðaflugvelli líkt og á Heathrow.
Holland-Kaye segir að ekki sé nægt pláss á flugvöllum til þess að viðhalda reglu um tvo metra á milli farþega
í flugstöðvum og tekur hann fram að ef flugvöllur myndi framfylgja þeim reglum myndi 900 metra löng
röð myndast við innritun fyrir hverja Airbus A380 risaþotu.
„Það má gleyma fjarlægðarreglum fyrir flugvelli. Þetta er ekki að fara að virka í fluginu eða neinstaðar
þar sem almenningssamgöngur eiga í hlut. Vandamálið er ekki flugvélin heldur plássleysi á flugvöllum“, segir
John Holland-Kaye.
Yfirmaður Heathrow-flugvallarins hefur hvatt Boris Johnson, forsætisráðherra Bretlands, til þess að koma með aðra lausn á borð við að farþegar
verði skimaðir fyrir kórónaveirunni á flugvellinum eða hækka reglugerðir um þrif og hreinlæti.
John Holland-Kaye, framkvæmdarstjóri Heathrow-flugvallarins
Holland-Kaye tók fram að flugiðnaðurinn snerti allt hagkerfi Bretlands og ef flugvélar væru ekki að fljúga til og
frá Bretlandi myndi það hafa áhrif á innlenda framleiðslu þar sem 40 prósent af innfluttum vörum til landsins
koma með flugfrakt.
Þá varar hann einnig við að ef flugvellir þyrftu að framfylgja fjarlægð á milli farþega á flugvöllum myndi það þýða að flugfélög
gætu ekki innritað eins marga farþega sem myndi valda takmarkaðri sætanýtingu og það myndi hækka flugfargjöld
gríðarlega.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
