flugfréttir
Maður á flugbraut varð fyrir farþegaþotu í lendingu í Texas
Vinstri hreyfill vélarinnar eftir áreksturinn við manninn á flugbrautinni
Maður lést er hann varð fyrir farþegaþotu í lendingu á flugvellinum í Austin í Texas í gærkvöldi en maðurinn var staddur á flugbrautinni þegar vélin lenti.
Þotan, sem er af gerðinni Boeing 737-700 er frá flugfélaginu Southwest Airlines, og var vélin að lenda í Austin eftir flug
frá Dallas en þegar flugvélin var við það að snerta brautina tóku flugmennirnir eftir því að það var manneskja
á flugbrautinni.
Samkvæmt fréttum vestanhafs kemur fram að flugmennirnir reyndu að sneiða hjá manninum en hann rakst utan í vinstri
hreyfil vélarinnar og lést við áreksturinn.
Flugmennirnir tilkynntu flugturninum að það „gæti verið manneskja á flugbrautinni“ og báðu flugumferðarstjórar næstu
flugvél, sem var á lokastefnu, að hætta við aðflugið og fara í fráhvarfsflug (go-around).
Boeing 737-700 þota Southwest Airlines
Flugvallarstarfsmenn héldu af stað út á flugbrautina á þeim stað þar sem vélin snerti brautina og fundu lík mannsins á
brautinni.
Bandarísk flugmálayfirvöld (FAA) rannsaka nú atvikið en í ljós kom að ekki var um starfsmann að ræða þar sem maðurinn
var ekki klæddur slíkum fatnaði og er því mögulega um að ræða aðila sem hafði farið inn á flugvallarsvæðið.
Flugvélin lenti í Austin klukkan 20:12 að staðartíma (klukkan 01:12 eftir miðnætti að íslenskum tíma) og sakaði engan
um borð í vélinni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.