flugfréttir
Framleiðsla á 737 MAX er hafin á ný eftir 4 mánaða hlé
- Enn enginn tímarammi varðandi hvenær vélarnar fljúga á ný
28. maí 2020
|
Frétt skrifuð kl. 07:37
Hlé var gert á framleiðslu á Boeing 737 MAX þotunum í janúar en framleiðslan er núna hafin að nýju
Boeing tilkynnti í gær að framleiðsla á Boeing 737 MAX þotunum væri hafin á ný eftir 4 mánaða hlé en framleiðandinn gerði hlé á framleiðslunni í byrjun ársins.
Fram kemur að framleiðslan fari hægt af stað til að byrja með en Boeing vill ekki gefa upp hver
framleiðsluhraðinn verður fyrstu um sinn með tilliti til fjölda flugvéla á mánuði.
Boeing tilkynnti í apríl að til stæði að hefja afhendingar að nýju á þriðja ársfjórðungi þessa árs og er stefnt
að því að framleiða 31 þotu á mánuði frá og með næsta ári eða eina Boeing 737 MAX þotu á dag.
Þá hefur framleiðandinn ekki viljað gefa upp hvort einhver ný tíðindi séu af vottunarferlinu
hjá bandarískum flugmálayfirvöldum (FAA) en röð vandamála sem hafa komið upp hafa orðið til þess
að vinna við að lagfæra þau hefur dregist verulega á langinn.
„Vinna að þessu verkefni og þessu ferli heldur áfram og við munum einnig halda áfram að vera fastir á
því að neita að svara neinu varðandi tímaramma og verður ekki gefið neitt upp hvenær þessu ferli lýkur“, segir
í yfirlýsingu frá FAA.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
