flugfréttir
Emirates mun fljúga A380 á ný um miðjan júlí
- Stefna á að allar risaþoturnar verði komnar í umferð fyrir árið 2022
24. júní 2020
|
Frétt skrifuð kl. 07:16
Farþegaþotur Emirates á flugvellinum í Dubai
Emirates ætlar sér að byrja að nota risaþoturnar Airbus A380 aftur um miðjan næsta mánuð en félagið hefur ekki flogið risaþotunum frá því að COVID-19 heimsfaraldurinn hófst.
Emirates mun byrja að fljúga A380 til London Heathrow og til Parísar frá og með 15. júlí næstkomandi
eftir um þriggja mánaða hlé.
Þess má geta að aðeins sex risaþotur hafa verið í umferð í heiminum í dag og er China Southern Airlines
eina flugfélagið sem hefur verið að fljúga þessum stærstu fjögurra hreyfla farþegaþotum heims sl. daga
en þá hefur portúgalska fyrirtækið HiFly einnig verið með eina í notkun.
Emirates tilkynnti um endurkomu risaþotunnar á dögunum á sama tíma og félagið tilkynnti að til stæði
að hefja flug á ný til enn fleiri áfangastaða en Emirates mun byrja m.a. að fljúga aftur til Brussel, Hanoi, Auckland,
Ho Chi Minh City, Barcelona, Washington og til Istanbúl.
Sögusagnir hafa verið á kreiki að Emirates ætli sér að hætta með fjölda risaþotna af gerðinni Airbus A380
en flugfélagið þvertekur fyrir það og segir að stefnan sé að vera komið með allar risaþoturnar í fulla notkun aftur
fyrir árið 2022.
Emirates mun taka enn fleiri risaþotur úr geymslu þar sem til stendur að hefja flug einnig til Frankfurt, Zurich,
New York, Toronto, Kuala Lumpur, Singapore, Hong Kong, Madríd, Kaupmannahafnar, Amsterdam og til Dublin.
Yfirvöld í Sameinuðu arabísku furstadæmunum ætla sér að opna landið á ný eftir heimsfaraldurinn þann 7. júlí
næstkomandi en öllum ferðamönnum verður gert að framvísa nýlegu læknisvottorði til að staðfesta að það
sé ekki smitað af kórónaveirunni eða að gangast undir skimun við komuna á flugvellinum í Dubai.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
