flugfréttir
Virgin keppist við að finna fjármagn upp á 154 milljarða
- Opinber aðstoð frá breska ríkinu væri síðasta úrræðið
Virgin Atlantic leitar nú að fjármagni upp á 154 milljarða króna til þess að bjarga rekstrinum
Virgin Atlantic Airways berst nú í bökkum og leitar flugfélagið breska nú að fjármagni með aðstoð frá einkafjárfestum til þess að styrkja reksturinn sem hefur verulega orðið fyrir barðinu á kórónaveirufaraldrinum.
Virgin Atlantic þarf að safna saman fjármagni upp á 900 milljón
Sterlingspund sem samsvarar 154 milljörðum króna og stefnir félagið á að vera komið
með það fjármagn í júlí ef allt gengur upp.
Fram kemur að rekstur Virgin Atlantic sé mjög tæpur og hafa stjórnendur félagsins
búið sig undir það að mögulega verði ekki hægt að finna það fjármagn sem til þarf.
Virgin Atlantic ætlar meðal annars að gera tilraun til þess að fá 42 milljarða króna að láni frá
vogunarsjóðum og 34 milljarða króna að láni frá hluthöfum félagsins en meðal stærstu
hluthafa félagsins er stofnandi þess, Sir Richard Branson, og Delta Air Lines.
Virgin Atlantic hefur einungis sinnt langflugi frá Bretlandi til fjarlægra áfangastaða
en talið er að það muni takan lengstan tíma fyrir langflug að ná að jafna sig eftir
COVID-19 faraldurinn og þessvegna nokkur ár.
Fram kemur að Shai Weiss, framkvæmdarstjóri Virgin Atlantic, hafi varið stórum hluta
helgarinnar í að ræða við fjárfesta og hafi viðræður nú þegar átt sér stað við
yfir sextíu aðila um fjármagn.
Þá hefur Virgin einnig reynt að semja um greiðslur að andvirði hundruði milljóna króna
og þar á meðal við flugvélaleigur og er í flestum tilvikum um að ræða viðræður um að
fresta greiðslum á meðan flugfélagið nær sér á strik.
Breska ríkisstjórnin hefur fylgst með þróun mála hjá Virgin Atlantic og hefur lýst því
yfir að mögulega verði hægt að veita félaginu opinbera aðstoð en það verði þó
gert í ítrustu neyð ef allar aðrar tilraunir félagsins til þess að verða sér út um fjármagn fara út um þúfur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.