flugfréttir
Allar þrjár flugtölvurnar biluðu samtímis í lendingu
- Náðu að stöðva þotuna af þegar 10 metrar voru eftir af brautinni
Airbus A330 breiðþota í lendingu á Songshan-flugvellinum í Taipei í Taívan
Flugmálayfirvöld í Taívan hafa farið fram á að flugfélög þar í landi, sem hafa Airbus A330 breiðþotuna í flota sínum, endurskoði verkferla er kemur að lendingum á blautum flugbrautum í mikilli rigningu og einnig ef mikill raki er í lofti.
Ástæðan er vegna atviks sem átti sér stað í júnímánuði er A330 breiðþota frá China Airlines var næstum farin
út af braut í lendingarbruni á Songshan-flugvellinum í Taipei í Taívan þegar allar flugtölvurnar þrjár um borð biluðu á sama tíma með þeim afleiðingum að sjálfvirkt hemlunarkerfi (autoland), hreyflabremsur (reverse thrust) og
lyftispillar (spoilers) virkuðu ekki eftir að vélin lenti.
Flugmenn vélarinnar gripu inn í og hemluðu vélina með bremsu í hámarki og náðu þeir að stöðva vélina þegar
aðeins 10 metrar voru eftir af flubrautarlengdinni (33 fet) og þurfti að draga vélina af brautinni eftir lendingu.
Í kjölfar atviksins hafa yfirvöld farið fram á að þeir flugmenn sem fljúga Airbus A330 í landinu íhugi að
hemla sjálfir í stað þess að nota sjálfvirka bremsu og sjálfvirka lendingu þegar verið er að lenda á blautri flugbraut
í eða eftir mikla rigningu og skoði þann valkost þegar farið er yfir veðurupplýsingar á áætlunarstað.
Einnig er farið fram á að taka með í reikninginn að snúa til varaflugvallar ef flugbraut á áætlunarflugvelli
er blaut og þá sérstaklega ef flugbrautin er ekki nægilega löng við þær aðstæður.
Flugmálayfirvöld í Taívan vinna enn að rannsókn atviksins og er ekki enn vitað hvað olli því að öll
kerfi vélarinnar biluðu samstundis en að allar flugtölvurnar þrjár hafi bilað á sama tíma telst vera mjög sjaldgæft.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.