flugfréttir
Asni hljóp í veg fyrir flugvélina sem brotlenti í Sómalíu
- Reyndu að forðast árekstur við dýrið og fóru út af brautinni
15. júlí 2020
|
Frétt skrifuð kl. 20:34
Flugstjórinn sagði eftir slysið að asni hefði hlaupið í veg fyrir flugvélina í lendingunni
Talið er að asni sem hljóp yfir flugbraut hafi orsakað flugslysið sem átti sér stað í gær er de Havilland Dash 8-400 flugvél brotlenti í lendingu í borginni Beledweyne í Sómalíu.
Flugvélin, sem var á vegum Bluebird Aviation í Kenýa var að fljúga með hjálpargögn og matvæli fyrir Sameinuðu Þjóðirnar, var nýlent á flugvellinum
þegar annað hjólastellið gaf sig eftir að flugvélin fór út af flubraut og varð flugvélin alelda í kjölfarið.
Yfirmaður flugfélagsins Bluebird Aviation í Kenýa staðfesti við fjölmiðla að asni hefði hlaupið yfir flugbrautina í veg fyrir flugvélina
þegar hún var að lenda. Þrír voru í áhöfn vélarinnar og sluppu þeir allir án alvarlegra áverka.
Flugvélin fór út af braut eftir lendingu í borginni Beledweyne í Sómalíu í gær
Þá kemur fram að flugstjóra vélarinnar hefði tilkynnt um að hafa séð asna á flugbrautinni. Flugmennirnir hefði gert tilraun til þess að forðast asnann með því að beygja frá dýrinu en án árangurs og fór flugvélin út af brautinni.
Flugvélin í litum SAS með skráninguna LN-RDQ á flugvellinum í Lúxemborg í september árið 2007
Flugvélin sem um ræðir bar skráninguna 5Y-VVU en hún var áður í flota SAS (Scandinavian Airlines) og var þá skráð
sem OY-KCB og LN-RDQ en SAS hætti að nota vélina árið 2007.
Þetta er ekki í fyrsta sinn sem að flugvél sem skráð er í Kenýa sem áður var í notkun á Norðurlöndunum eyðileggst í flugslysi í Afríku
en þann 11. október í fyrra eyðilagðist „Sigdís“, ein af þeim Fokker 50 flugvélum sem Flugfélag
Íslands hafði í flota sínum í mörg, er hún fór út af braut í flugtaki í Kenýa en sú vél
var í eigu kenýska flugfélagsins Silverstone Air Service.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
