flugfréttir
Elsti flugkennari heims er 99 ára
- Robina Asti tók síðasta kennsluflugið og flaug inn í Heimsmetabók Guinness
28. júlí 2020
|
Frétt skrifuð kl. 21:17
Robina Asti ásamt nemanda sínum um borð í Cessna 172 kennsluflugvél
Það eru sennilega ekki margir flugmenn í heiminum í dag sem fagna bráðum 100 ára afmæli og eru enn fljúgandi eins og enginn sé morgundagurinn.
Öldruð kona frá Riverside-sýslu í Kaliforníu í Bandaríkjunum, Robina Asti að nafni, sagði um helgina skilið
við starf flugkennarans, 99 ára að aldri, og hefur á sama tíma komist í Heimsmetabók Guinness sem hefur skráð hana sem elsti fljúgandi
flugmaður heims og elsti flugkennari heims.
Robina flaug sitt allra síðasta flug sem flugkennari sl. sunnudag á vegum NextGen Flight Academy flugskólans
og vildi hún með því sína fram á að eldri flugmenn eru mjög öflugir, nauðsynlegir og geta enn lagt
sitt af mörkum ef heilsan leyfir.
Brandon Martini ásamt Robina Asti eftir síðasta kennsluflugið hennar
„Ég elska að leyfa fólki að upplifa þá reynslu sem fylgir því að lyftast upp í loftið af jörðinni“, sagði Robina
er hún steig út úr Cessna 172 kennsluflugvél með Brandon Martini, flugmanni sem fór í „hlutverk“ flugnema fyrir
þetta síðasta kennsluflug hennar.
Brandon sagði að þrátt fyrir 1.000 flugtíma að baki þá gat Robina bent honum á nokkur
atriði er varðar flug sem hann hafði ekki hugmynd um sem sannar að flugmenn eru alltaf að bæta við reynsluna sína
og sérstaklega er þeir þiggja ráð frá þeim sem hafa flogið lengur.
Með þessu slær Robina fyrra heimsmetið sem flugkennari frá Iowa-ríki átti enn sá flugkennari
flaug sitt síðasta kennslflug 98 ára gamall.
Heimsmetið sem elsti flugkennari heims var skráð þann 8. júní sl. þegar Robina var enn að kenna og er það formlega komið í dag í Heimsmetabók Guinness
Robina Asti, sem fæddist sem karlmaður árið 1921 og fór í kynleiðréttingu árið 1976, hóf flugferil sinn í
seinni heimstyrjöldinni árið 1942 og flaug meðal annars í bandaríska flughernum en á fimmtugsaldri ákvað hún
að láta breyta sér í konu og hefur hún verið ötul í baráttu fyrir réttindum homma og lesbía allt frá sjötta áratugnum.
Robina hefur kennt fólki að fljúga í fleiri áratugi og eru þeir ófáir flugmennirnir vestanhafs sem þakka henni
fyrir að hafa kennt sér að taka fyrstu skrefin í háloftunum.
Þrátt fyrir að vera fædd aðeins 18 árum eftir að Wright-bræður flugu fyrsta flugið er Robina Asti enn við hestaheilsu
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
