flugfréttir
Í samstarf um rafhleðslustöðvar fyrir flugvélar
- Green Motion og Pipistrel stefna á að setja upp öflugt net af rafhleðslustöðvum
30. júlí 2020
|
Frétt skrifuð kl. 08:58
Pipistrel Aircraft hefur verið frumkvöðull í framleiðslu á rafmangsflugvélum á meðan Green Motion hefur 11 ára reynslu á framleiðslu á rafhleðslustöðvum fyrir rafmangsbíla
Svissneska fyrirtækið Green Motion, sem sérhæfir í framleiðslu á rafhleðslustöðvum fyrir rafknúin farartæki, hefur hafið samstarf við flugvélaframleiðandann Pipistrel Aircraft um að setja upp net af rafhleðslustöðvum á flugvöllum.
Green Motion var einn af frumkvöðlum í uppsetningu á rafhleðslustöðvum fyrir rafmagnsbíla þegar þeir
komu fyrst á markaðinn fyrir nokkrum árum síðan en sl. tvö ár hefur fyrirtækið unnið að undirbúningi á því að
setja upp víðtækt net af slíkum hleðslustöðvum fyrir rafmagnsflugvélar.
Markmið samstarfsins á milli Green Motion og Pipistrel Aircraft er að samhæfa rafhleðslumöguleika
fyrir rafmagnsflugvélar en fram kemur að í dag er engin einn staðall í gangi í slíkum lausnum og er stefnan
að þróa einn staðal sem notast verður við um allan heim.
Rafhleðslustöð frá Green Motion fyrir flugvélar
Þá ætla fyrirtækin að notast við nýjustu lausnir í rafhleðslu og verður hægt að setja upp stöðvar
sem notast við ýmsa orkugjafa á borð við sólarorku fyrir þá flugvelli sem hafa sólarsellur á staðnum til að
knýja rafhleðslustöðvarnar
Pipistrel Aircraft er leiðandi fyrirtæki í rafmagnsflugvélum og var fyrirtækið það fyrsta til að koma
með rafknúna flugvél á markaðinn sem fékk flughæfnisvottun á undan öðrum framleiðendum.
Green Motion hefur nú þegar sett upp rafhleðslustöðvar á tveimur flugvöllum í Sviss sem nefnast Flight XT
en Pipistrel Aircraft hefur hingað til þróað sína eigin tegund af rafhleðslulausnum og segir í tilkynningu
fyrirtækjanna að með samstarfinu verða lausnirnar enn öflugri og bylting fyrir rafmagnsflugvélar og eigendur þeirra.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
