flugfréttir

Ofhlaðin flugvél af fíkniefnum brotlenti í flugtaki

- Fundu 500 kíló af kókaíni um borð í Cessna 402 flugvél

4. ágúst 2020

|

Frétt skrifuð kl. 22:30

Flugvélin var af gerðinni Cessna 402C og stóð til að fljúga henni yfir hafið frá þorpi nálægt Port Moresby í Papúa Nýju-Gíneu til Ástralíu

Lítil tveggja hreyfla flugvél af gerðinni Cessna 402 brotlenti í flugtaki í Papúa Nýju-Gíneu í síðustu viku en í ljós kom að flugvélin var ofhlaðin af fíkniefnum sem reynt var að smygla yfir til Ástralíu.

Flugvélin fór í loftið frá lítilli flugbraut nálægt borginni Port Moresby en brotlenti í flugtaksbruninu. Í ljós kom að um borð í vélinni var svo mikið af kókaíni að talið er að flugmaður vélarinnar hafi átt í erfiðleikum með að ná að koma vélinni á loft þar sem þyngd vélarinnar var langt yfir hámarksflugtaksþunga.

Um borð var kókaín sem metið er á 7.8 milljarða króna. Flugmaður vélarinnar, David Cutmore, sem er 51 árs gamall, náði að koma sér frá borði og flúði af vettvangi en gaf sig fram skömmu síðar til lögregluyfirvalda.

Hlut af farminum sem fannst um borð í flugvélinni

Cutmore er fyrrum flugkennari og kenndi hann við flugskóla einn í Melbourne en hann hefur að baki sakaferil og var dæmdur árið 1995 fyrir ólöglegan innflutning á fuglum frá Ástralíu til Nýja-Sjálands.

Fram kemur að Cessna 402 flugvélin, sem bar skráninguna VH-TSI, hafi farið í loftið frá Ástralíu frá Mareeba-flugvellinum í Queensland þann 26. júní sl. og var henni flogið undir ratsjá fyrst um sinn í 2.700 fetum þar til að flugmaðurinn slökkti á ratsjársvara og flaug síðan þaðan til Papúa Nýju-Gíneu.

Flugvélin lenti á grasbraut nálægt þorpinu Papa Lea Lea, skammt frá Port Moresby, þar sem 500 kílóum af kókaíni var komið fyrir um borð í vélina en fram kemur að slík þyngd er langt fram yfir þá afskastagetu sem Cessna 402 þarf til svo að hún komist á loft af umræddri grasbraut.

Flugvélin var undirbúin fyrir brottför aftur til Ástralíu þann 26. júlí sl. en brotlenti í flugtaksbruninu og fór út af brautinni.

Fram kemur að fjórir aðrir aðilar hafa verið handteknir vegna málsins og hafa þeir verið á ratsjá hjá lögreglunni í Ástralíu í tvö ár en allir hafa þeir tengsl við ítölsku mafíuna.

Flugmaðurinn, David Cutmore, hefur játaði að hafa farið með ólöglegum hætti til Papúa Nýju-Gíneu en þrátt fyrir að lögregla hafi fundið og lagt hald á öll þau fíkniefni sem voru um borð í vélinni þá náðist ekki að færa sönnunargögn varðandi slíkt til dómsvaldsins í Papúa Nýju-Gíneu og sleppur Cutmore því við þungan dóm sem hefði verið lífstíðarfangelsi.

Í staðinn var Cutmore dæmdur í 4 mánaða fangelsi auk þess sem hann þarf að greiða sekt upp á 117.000 krónur.

Flugvélin náði ekki að komast á loft frá grasbrautinni með 500 kíló af fíkniefnum um borð:







  fréttir af handahófi

Saudi Arabian stefnt vegna vangoldinnar leigu á 50 þotum

28. október 2020

|

Flugvélaleiga hefur höfðað mál gegn flugfélaginu Saudi Arabian Airlines vegna vangoldinna leigugjalda á 50 farþegaþotum auk ólögmætra viðhaldsviðgerða á þotunum.

Allt fé uppurið hjá stærsta lágfargjaldafélagi Mexíkó

9. nóvember 2020

|

Almenningi í Mexíkó hefur verið varað við því að bóka flug með mexíkóska flugfélaginu Interjet þar sem sagt er að flugfélagið eigi gott sem engan pening lengur til þess að standa í flugrekstri.

Aerolease hættir við pöntun í 10 SpaceJet-þotur

8. janúar 2021

|

Flugvélaleigufyrirtækið Aerolease hefur hætt við pöntun í tíu SpaceJet-þotur frá Mitsubishi Aircraft sem félagið hafði pantað á sínum tíma en þoturnar hétu áður Mitsubishi Regional Jet (MRJ).

  Nýjustu flugfréttirnar

WestJet flýgur fyrsta flugið í Kanada á ný með 737 MAX

22. janúar 2021

|

Kanadíska flugfélagið WestJet flaug í gær fyrsta áætlunarflugið í Kanada með Boeing 737 MAX eftir 22 mánaða kyrrsetningu og er WestJet þá einnig fimmta flugfélagið í heiminum til að hefja áætlunarflu

Jet2.com og Jet2CityBreaks fljúga til Íslands í sumar

22. janúar 2021

|

Breska flugfélagið Jet2.com og ferðaskrifstofan Jet2CityBreaks ætla að bjóða upp á flug og borgarferðir frá Manchester á Englandi til Íslands sumarið 2022 en flogið verður á milli Keflavíkurflugvall

AERO flugsýningunni frestað fram á sumar

21. janúar 2021

|

Búið er að fresta flugsýningunni AERO sem fram átti að fara í apríl í þýsku borginni Friederickshafen.

Nauðlenti á hraðbraut í Texas

21. janúar 2021

|

Lítil eins hreyfils flugvél neyddist til þess að lenda á hraðbraut í Texas í Bandaríkjunum í gær eftir að upp kom bilun í mótor.

KLM aflýsir öllu langflugi tímabundið

21. janúar 2021

|

Hollenska flugfélagið KLM Royal Dutch Airlines ætlar að fella niður allt langflug tímabundið til annarra heimsálfa til og frá Amsterdam frá og með morgundeginum.

Norska ríkið reiðubúið að aðstoða Norwegian

21. janúar 2021

|

Norska flugfélagið Norwegian hefur lýst því yfir að ríkisstjórn Noregs ætli sér að styðja við bakið á flugfélaginu með fyrirhugaðri fjárhagsaðstoð.

IAG mun kaupa Air Europa fyrir helmingi lægra verð

20. janúar 2021

|

International Airlines Group (IAG), móðurfélag British Airways, mun kaupa spænska flugfélagið Air Europa fyrir helmingi lægra verð en upphaflega stóð til að greiða fyrir félagið þegar tilkynnt var u

Titan Airways fær sína fyrstu Airbus A321P2F fraktþotu

19. janúar 2021

|

Breska flugfélagið Titan Airways verður annað flugfélagið til þess að taka í notkun fraktþotu af gerðinni Airbus A321 sem hefur verið breytt úr farþegaflugvél til þess að flytja eingöngu vörur.

Hlutafé Isavia aukið um 15 milljarða

19. janúar 2021

|

Gengið var frá 15 milljarða króna hlutafjáraukningu á hluthafafundi Isavia sem haldinn var þann 12. janúar síðastliðinn en hlutafjáraukningunni er ætlað að mæta rekstrartapi vegna COVID-19

Rann út af braut við flugprófanir

19. janúar 2021

|

Irkut MC-21 tilraunarþota frá rússneska flugvélaframleiðandanum United Aircraft Corporation rann út af braut í gær í Rússlandi er flugvélin var í flugprófunum.

 síðustu atvik

  2019-01-01 20:20:00