flugfréttir
Stefna á útsýnisflug til suðurskautsins með Boeing 787
Hver flugferð tekur um 12 til 13 klukkustundir og munu farþegar sjá íshellu Suðurskautsins eftir u.þ.b. þrjár klukkustundir eftir brottför.
Ástralska flugfélagið Qantas ætlar í vetur að bjóða Áströlum upp á útsýnisflug til Suðurskautslandsins en félagið ætlar að fljúga sérstakar flugferðir til Suðurskautsins með Dreamliner-þotum af gerðinni Boeing 787-9.
Flugferðirnar verða farnar í samvinnu við ferðafyrirtækið Antartica Flights en Qantas hefur áður flogið sérstakar skoðunarferðir
til Suðurskautslandsins með júmbó-þotunni. Qantas hætti hinsvegar á dögunum með Boeing 747 þoturrnar og er stefnt á að fljúga til suðurskautsins þess í stað með Dreamliner-þotum af gerðinni Boeing 787-9.
Fyrstu flugferðirnar til suðurskautsins verða farnar í nóvember og verður flogið frá fimm borgum í Ástralíu sem eru
Brisbane, Adelaide, Melbourne, Perth og Sydney.
Útsýnið úr flugi til Suðurskautslandsins út um gluggann á Boeing 747 júmbó-þotu Qantas
Hver flugferð tekur um 12 til 13 klukkustundir og munu farþegar sjá íshellu suðurskautsins eftir u.þ.b. þrjár
klukkustundir. Farþegar þurfa ekki að taka með sér vegabréf í þessar ferðir þar sem þær flokkast sem innanlandsflug.
„Þú þarft hvorki vegabréf né farangur fyrir flugferð að Suðurskautslandinu. Þú getur meira að segja farið um borð með
ekki neitt á þér. Þetta er besta svarið við spurningunni: „Hvað gerðir þú skemmtilegt um helgina?“ - „Ég skrapp
til Suðurskautslandsins“, segir Bas Bosschieter, framkvæmdarstjóri Antarctica Flights.
Um borð í júmbó-þotu Qantas í einum af þeim flugferðum sem farnar hafa verið til Suðurskautslandsins
Það er ekki mikið að sjá fyrir farþega nema sjó á meðan flugvélin flýgur beint suður á bóginn
en eftir þrjár klukkustundir tekur íshellan við og lækka flugmennirnir þá flugið til að gefa
farþegum betra útsýni yfir landslagið og fjöllin áður en flogið er að segulpólnum en að því loknu er haldið til baka til Ástralíu.
Flugmiðinn til Suðurskautslandsins er ekki í ódýrari kantinum en ferðin kostar 117.000 krónur
á almennu farrými og 783.000 krónur sé bókað á fyrsta farrými.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.