flugfréttir
330 farþegar í flugbanni fyrir að neita að nota grímur
- Helmingur þessara farþega á svörtum lista hjá Delta Air Lines
19. ágúst 2020
|
Frétt skrifuð kl. 06:49
Delta Air Lines hefur sett 150 farþega á bannlista fyrir að neita að vera með andlitsgrímur á sér um borð
Fjöldi þeirra flugfarþega vestanhafs sem hefur verið bannað að fljúga þar sem þeir neituðu að vera með andlitsgrímur á sér um borð í flugi telur nú yfir 300 manns.
Fram kemur að fimm bandarísk flugfélög séu búin að setja 330 farþega á „svartan lista“ þar sem þeir neituðu að hylja vit sín með grímum og vildu ekki fara eftir þeim sóttvarnarreglum
sem snýr að flugfarþegum.
Tæpur helmingur þessara farþega flugu með Delta Air Lines sem hefur sett 150 farþega á svarta listann
sinn og þá eru um 100 farþegum ekki lengur velkomið að fljúga með United Airlines vegna mótþróa við að hlýða
reglunum.
Þá hefur Frontier Airlines bannað 65 farþega og Alaska Airlines 37 farþega en American Airlines
hefur enn ekki birt tölur um fjölda þeirra farþega sem neituðu að vera með grímur um borð í flugvélum
sínum en félagið segir að það hafi ekki brugðist til þess ráðs að banna neina farþega.
Bandarísku flugfélögin hafa mjög misjafna stefnu er kemur að flugbanni og hafa sum flugfélög ekki bannað
farþegum að fljúga nema ef um ítarleg hegðunarbrot séu að ræða. Þá deila flugfélögin ekki flugbannlista
með öðrum félögum sem þýðir að farþegi sem er bannaður t.a.m. hjá Delta Air Lines getur pantað
sér nýtt fargjald með öðrum flugfélögum.
Stefna flugfélaganna er hinsvegar skýr er kemur að grímunotkun. Öllum farþegum er gert að hafa grímur á sér allan tímann á meðan á fluginu stendur en þeir farþegar sem fara á svarta listann fá ekki að fljúga
með viðkomandi flugfélagi svo lengi sem skylda er að vera með grímu á sér vegna kórónaveirufaraldursins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
