flugfréttir
Boeing 737 MAX 8 nefnd sem Boeing 737-8
- Munu að öllum líkindum sleppa orðinu „MAX“ í tegundarheitinu
21. ágúst 2020
|
Frétt skrifuð kl. 17:39
Boeing 737 MAX 9 tilraunarþota Boeing
Boeing mun að öllum líkindum nota einfaldara nafn fyrir Boeing 737 MAX þoturnar þar sem orðinu „MAX“ verður sleppt úr tegundarheitinu og bandstriki bætt við sem tengir undirtegundina beint við 737.
Boeing fékk í vikunni pöntun í fjórar Boeing 737 MAX 8 þotur
frá pólska flugfélaginu Enter Air og hefur það vakið athygli
að Boeing sleppir því að nefna „MAX“ í nafni vélanna á sumum stöðum
í yfirlýsingu sinni vegna kaupanna.
Í fréttatilkynningu frá Boeing kemur fram að Enter Air hafi
fest kaup á fjórum Boeing 737-8 þotum en annars staðar í sömu frétt
á vefsíðu Boeing er samt notað „Boeing 737 MAX“ áfram á nokkrum stöðum.
Flugvélaframleiðandinn hefur ekki formlega tilkynnt um neina
nafnabreytingu á MAX-vélunum en nafngiftin „737-8“ kemur hinsvegar
ekki á óvart þar sem „x-inu“ hefur verið sleppt úr nafni Boeing 777X og
og undirtegundinni bætti við á þann máta að minni tegundin
heitir í dag Boeing 777-8 og stærri útgáfan Boeing 777-9.
Munurinn er hinsvegar sá að Boeing 777X var vinnsluheiti og stóð til að vélarnar myndu fá tegundarheitin Boeing 777-8 og
Boeing 777-9 áður en framleiðsla hófst á fyrstu vélunum en frá upphafi hefur „MAX“ átt að vera hluti að nafni vélanna.
Skjáskot af fréttatilkynningu frá Boeing
Talsmaður Boeing, Peter P. Pedraza, segir í viðtali
við fréttamiðilinn Business Insider að verið sé að endurnefna vélarnar til að einfalda þær undirtegundir sem í boði og er því líklegt
að vélarnar verði nefnar Boeing 737-7, 737-8, 737-9 og 737-10.
Þá vakti athygl í júlí í fyrra er birt var ljósmynd af fyrstu Boeing 737 MAX 200 þotu Ryanair sem hafði fengið áletrunina 737-8200
en MAX 200 er sérstök útgáfa af Boeing 737 MAX sem kemur
með fleiri sætum fyrir lágfargjaldaflugfélögin.
Airbus hefur einnig breytt nafni á flugvélum en þó ekki eftir að framleiðsla hefur hafist en þannig er Airbus A330-800neo til dæmis í dag kölluð A330-800 og þá var nafni Airbus A321neoLR einfaldað í Airbus A321LR.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
