flugfréttir
Engar A340 lengur í flota Iberia
- Síðasta A340-600 breiðþotan kveður flugfélagið spænska
Airbus A340-600 þota frá Iberia
Engar fjögurra hreyfla breiðþotur eru nú lengur í flota Iberia en flugfélagið spænska hætti með þá síðustu sem tekin var úr umferð á dögunum.
Airbus A340 breiðþoturnar hafa þjónað Iberia í 24 ár og hafa þær verið
aðalvinnuhestur félagsins í flugi til fjarlægra áfangastaða frá Madríd allt frá tíunda áratug síðustu aldar.
Síðasta Airbus A340 þotan sem kvaddi flugflotann var af gerðinni Airbus A340-600
og bar hún skráninuna EC-JLE en hún var tekin í notkun í september árið 2005 og
hafði Iberia fjórtán A340-600 þotur þegar mest var.
Iberia fékk fyrstu Airbus A340 þotuna árið 1996 og var sú þota af gerðinni A340-300
og leystu þessar þotur af hólmi Boeing 747-200 júmbó-þoturnar.
Iberia ætlaði sér að hafa A340 breiðþoturnar í flotanum alveg fram til ársins 2025
en áhrifin af kórónaveirufaraldrinum hafa bundið enda á sögu þeirra hjá félaginu.
Síðasta A340-600 þotan, EC-JLE, sem skírð var Santiago Ramón y Cajal, í höfuðið á spænskum
vísindamanni í taugalækningum, flaug síðasta áætlunarflugið frá Quito til Madríd þann 1. ágúst síðastliðinn.
Airbus A340-600 þota Iberia í lendingu á flugvellinum í Santiago í Chile
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.